O Nadal é un tempo feliz. De reencontros, reunións, risas e agasallos. Pero tamén de comidas extraordinarias, ceas sofisticadas e merendas doces.
Este tronco de Nadal é unha desas sobremesas ricas e entrañables que nos transportan a nosa nenez, a eses días en que as panxoliñas soaban, os escaparates se iluminaban e mamá non nos rifaba por abarrotarnos de turrón. Sen dúbida, este tronco doce de Nadal é absolutamente irresistible así que , ¡goza del sen remordementos¡
A ocasión o merece. Lembra…¡É Nadal¡
Algúns trucos para bordar o tronco de Nadal
- Non deixes o biscoito no forno máis de 10 minutos (mellor se é un ou dous minutos menos). En caso contrario, cociñarase máis da conta e romperase ao dobralo.
- O tronco de Nadal admite calquera recheo. ¿Qué tal crema en lugar de nata?
- Se sodes moitos á mesa, fai dous troncos con diferentes recheos. Ademáis de poder probar dúas versións distintas, permitirache xogar moito á hora de decorar. Se os curtas en anacos, poderás simular un decorado rústico.
- Cando decores coa cobertura, non te esmeres moito para que quede igualada, pois debe imitar a cortiza das árbores, coas súas característicias imperfeccións. Podes darlle un acabado máis natural facendo fendas cun garfo.
Ingredientes
- Para o biscoito: 4 ovos Pazo de Vilane a temperatura ambiente
- 120 g de azucre
- 1 culler de esencia de vainilla
- 1 pizca de sal
- 60 g de fariña
- 30 g de cacao en po
- 30 g de fariña de millo ou
- Para o ganache de chocolate (cobertura)
- 200 ml de nata líquida para montar
- 50 g de manteiga sin sal
- 200 g de chocolate negro
- Para o recheo: Un frasco de marmelada de Pazo de Vilane (arandos, fresas ou froitos do bosque)
- Nata para montar ben fría.
Elaboración
- Prequece o forno a 175º.
- Comeza polo biscoito. Coloca nun robot de cociña os catro ovos co azucre, a vainilla e a sal e mete as baleas eléctricas. Bate a velocidade máxima durante 10-15 minutos, ata que monten moi ben.
- Mentres, tamiza todos os ingredientes secos do biscoito: a fariña, o cacao e a fariña de millo. Mestura ben entre eles.
- Cando a masa estea firme, incorpóraos en tres quendas, sempre con coidado e con movimentos envolventes, para que non perda aire.
- Verte sobre a bandexa do forno, forrada co papel. Procura que quede ben repartida, para que suba por igual e quede un biscoito delgado pero flexible.
- Leva ao forno uns 8 minutos; nunca máis de 10 minutos ou se romperá.
- Mentres, prepara un pano de cociña limpo e espolvoréalo con azucre glas e cacao en po (isto evitará que se pegue o biscoito).
- Sácao do forno e envórcao no pano, co papel de enfornar na parte superior. Retírao con coidado, volve a espolvorear azucre e cacao, e inmediatamente enrola o pano sobre él. Deixa arrefriar enrolado.
- Prepara o ganache ou cobertura do tronco. Quenta e dilúe a nata e a manteiga ata o punto de fervor (non máis) e verte sobre o chocolate negro en anacos.
- Deixa repousar en quente uns minutos e bate a man, con baleas. Conserva tapado con papel filme (en contacto coa superficie, para que non se forme costra).
- Para o recheo, monta a nata ben fría, engadíndolle se queres un pelín de azucre.
- Desenrola o biscoito e estende a marmelada, pero deixando sen cubrir unha franxa duns cinco centímetros nunha das marxes. Fai o mesmo coa nata montada.
- Enrola con coidado-comezando pola parte con recheo e terminando pola limpia-e coloca o corte cara abaixo, para que se asente o rolo e quede ben pegado.
- Decora cortándoo e colocando os anacos como se foran troncos amontoados.
- Cando o ganache se arrefríe cubre todo o tronco (menos os cortes, para que se vexan as líneas concéntricas).
- Lévao ao frigo ao menos tres horas. Decora con motivos do Nadal antes de servir.
