Galiñas en liberdade 

As galiñas son a razón de ser de Pazo de Vilane. O seu benestar depende directamente das súas condicións de vida. Defendemos a cría en liberdade porque é a forma en que as aves viven de acordo cos seus ritmos e a súa natureza.

Desta forma as aves deben comer libremente, xa que elas mesmas regúlanse, incorporando os nutrientes que presisan para o seu benestar. A actividade e o cambio de temperatura fai que o seu apetito aumente o que dá lugar a que se alimenten mellor e por tanto poñan mellor. O exercicio e a vitamina D que lles achega o sol, fortalecen os seus ósos. Unha galiña ben nutrida desenvolve de forma natural toda a súa capacidade de posta e contribuirá a que os seus ovos teñan un tamaño adecuado. A liberdade axuda a que todo o organismo da galiña funcione mellor e viva de forma máis saudable.

Galiñas felices e sas en Pazo de Vilane

O pastoreo das galiñas favorece que crezan máis felices e máis sas. E o que é mellor, a inxesta de herbas achega ás galiñas nutrientes, fibras e aminoácidos que acaban incorporadas ao ovo campeiro, polo que é fácil apreciar neles unha maior consistencia, un aroma máis intenso e un sabor característico.

Ademais de estar pendentes de que saian cada día ao aire libre, ocupámonos de que a calidade dos cereais que as alimentan sexa a máis alta do mercado. Tamén do mantemento dos poñedoiros e do ambiente dos galiñeiros para que os animais estean cómodos e nas mellores condicións posibles. A experiencia destes anos proporcionounos os coñecementos para saber o que é mellor para as nosas galiñas.

As nosas granxas de galiñas en Galicia

Granja de gallinas en Galicia de Pazo de Vilane

O proxecto de Pazo de Vilane naceu a finais dos anos 90 cando a familia Varela-Portas regresou ao pazo familiar en Antas de Ulla-Lugo para recuperalo e sacalo do abandono tras máis de 20 anos sen ser habitado. Desde entón traballamos buscando a mellor forma de obter ovos camperos desde as nosas granxas de galiñas en Galicia. Empezamos a produción con 50 galiñas e con constancia, esforzo e ilusión fomos crecendo sen esquecernos dos inicios e dos nosos principios. As nosas granxas, máis pequenas e sostibles, son unha clara aposta pola volta aos sabores de antes, unha volta ás orixes e ao natural. O noso traballo consiste en conseguir o mellor ovo campeiro do mercado, á vez que melloramos o benestar das galiñas. O coidado e a sensibilidade cara aos animais xunto coa dedicación e a vixilancia diaria repercuten na súa saúde de forma beneficiosa.

Os ovos campeiros que saen das nosas granxas proveñen sempre de galiñas criadas en liberdade en Galicia. As aves dispoñen cada unha de 4 metros cadrados de parque no exterior; así un lote pequeno de 5.000 aves dispón de 20.000 metros cadrados de leira, é dicir, aproximadamente dous campos de futbol.

O clima e a contorna natural da comarca da Ulloa, onde nos atopamos, son envidiables para a cría en liberdade. Os seus veráns suaves cunha temperatura media máxima de 24 graos e os seus invernos chuviosos proporcionan 365 días de verdes pastos, o mellor escenario para o benestar animal e para obter ovos campeiros de calidade.

Ao consumir os ovos campeiros de Pazo de Vilane estás a optar por un alimento que provén dun animal que foi criado en liberdade e buscando sempre o seu máximo benestar.

Crónicas
sobre galiñas campeiras