Filloas galegas

Mmmm filloas! Un das sobremesas máis tradicionais que se fan en Galicia. Hai quen as compara coas crepes pero son aínda mellores.

30 minutos 6 comensales

Se tivésemos que dar unha medalla a máis famosa e rica sobremesa galega, seguro que as filloas loitarían a matar nesta rifada competición. Porque as filloas son suaves, de textura agradable e combinan de marabilla (isto é, conseguen re-crear novos sabores) con calquera ingrediente: crema pasteleira, nata, marmeladas, recheos de froitas, de leite condensado…

Coa nosa receita tradicional galega de filloas sairache masa suficiente como para deixar satisfeitas a unhas 6-8 persoas. Prepárate para o triunfo e os afagos, porque… Entran soas!

filloas gallegas pazo

Os trucos dunha cociñeira galega de primeira para conseguir as mellores filloas galegas

  • Normalmente, e ata que a tixola toma a temperatura adecuada, as primeiras filloas non saen perfectas, é cuestión de ir tenteando a temperatura ideal…
  • A tixola é a túa principal ferramenta para o éxito: de aluminio fundido, con capa antiadherente e con bo grosor (ainda que pese un pouco máis, soe merecer a pena)
  • A clave para facer unha filloa de campeonato é a cantidade que se bota na tixola. Debe ser moi pouca, e facelo de golpe, extendéndoa inmediatamente; o obxetivo é que quede o máis fina posible.
  • Pero a filloa non debe quedar crocante, así que deberás retirala enseguida, apenas tome cor.  
  • Moito máis que os chefs modernos, os galegos inventamos a “cociña en vivo”. As filloas é un das sobremesas que deben comerse no momento, recén saídas do lume.
  • Por iso, organiza moi ben a túa comida para poder facer as filloas sen que os comensais esperen moito. Un bo truco é levantarse da mesa na mitade do segundo prato e poñer a quecer a tixola, a lume lento. En canto tome a temperatura adecuada, cuallar as filloas galegas será coser e cantar.
 

Ingredientes

  • 4 ovos Pazo de Vilane a temperatura ambiente
  • 750 ml de leite enteira
  • 100 ml de agua
  • 100 gr de fariña de repostería
  • Unha pizca de sal mariña fina
  • 75 gr de manteiga

Elaboración

  1. Nun recipiente coa fariña engade o leite, a auga e os ovos
  2. Engade un chisco de sal e bate os ingredientes. A masa debe estar bastante líquida.
  3. Deixa reposar 15 minutos na neveira.
  4. Engrasa lixeiramente unha tixola e quéntaa a lume lento.
  5. Engade de golpe un caciño de masa (moi pouca cantidade). Exténdea, ata que quede moi fina.
  6. Retira a masa sobrante volcando a tixola sobre o bol da masa.
  7. Cualla a filloa (que apenas tome cor).
  8. Cando os bordes se despeguen, tira deles coas mans e reserva nun prato.
  9. Repite ata rematar coa masa.
  10. Colócaas nun montón, tapándoas con papel film.
  11. Espolvorea con azucre, ou podes rechelas de marmeladas de amorodos ou frambuesa, crema pastelera...