Uno das sobremesas máis clásicas. Fácil de facer, se te vas a iniciar no mundo da repostería, esta é a mellor receita para comezar. O resultado será un biscoito moi esponxoso do que non quedarán nin as faragullas.
Ingredientes
- 3 ovos de Pazo de Vilane
- 1 iogur natural
- Fariña (2 medidas de iogur)
- Cacao en po (1 medida de iogur)
- Azucre (2 medidas de iogur)
- Aceite de oliva (1 medida de iogur)
- 1 sobre de fermento
- Manteiga
Elaboración
- Baleira o iogur nun cunco para usar o envase como medidor. Prequenta o forno a 180º durante os 10 minutos que che vai a levar facer a mestura.
- Nun cunco engade os ovos e o azucre e báteos. Engade o aceite e o iogur, segue batendo ata que quede unha mestura sen grumos.
- Engade o fermento e fariña tamizados cun colador. Mesturámolos todo ata que quede unha masa sen grumos.
- Engade o cacao e mestura ben. Verás que torna a unha cor moi escura.
- Unta o molde con manteiga e verte a masa. Colócao no forno, a altura media. Mantén unha temperatura de 180 º durante uns 30 minutos.
- Agora toca a proba do escarvadentes. Pica cun escarvadentes o biscoito e se sae sen restos pegados que está listo. Apaga o forno, sácao e déixao repousar uns minutos antes de desmoldar.
- Podes engadir laranxa relada á mestura ou acompañalo de anaquiños de chocolate branco
