Un proxecto de vida, unha filosofía e 300 anos de historia que contar.
Voltamos en 1996 para recuperar o antiguo pazo familiar abandonado durante máis de 20 anos.
Voltamos para recuperar as nosas raíces galegas.
Voltamos e convertémonos en pioneiros en producir ovos campeiros de galiñas en liberdade coma os de antes.
Creador e ideólogo do actual proxecto Pazo de Vilane.
Sempre tivo unha visión adiantada ao seu tempo e foi contracorrente. Todos os que o coñeceron destacan as súas ganas de comerse o mundo e a súa xenerosidade.
Xunto coa súa muller Piedad de Orduña, nos anos 90 deixou Madrid para volver ao pazo familiar, convencido de que Pazo de Vilane sería unha marca importante de produtos galegos de calidade.
Xerente
Pazo de Vilane
Aos 25 anos e tras unha longa estancia en Inglaterra, volve ao pazo, xunto cos seus pais, para liderar e impulsar este proxecto desde os seus inicios, abordando calquera tarefa que fose necesaria.
Nuria é licenciada en Ciencias Económicas e Empresariais, conta cun MBA Executive e é desde a súa fundación a xerente do proxecto Pazo de Vilane.
Hoxe somos moitos os que seguimos a Pazo de Vilane, que proporciona emprego na España Vaciada. Persoas que apostamos polo medio rural e impulsamos a economía local.
Moitas somos mulleres que cuidamos o que facemos para darche o mellor.
En Pazo de Vilane comprometémonos desde os inicios a crear unha empresa que cumplise cuns valores acordes co desenvolvemente da contorna rural que nos rodea ao mesmo tiempo que sacaba o noso carácter emprendedor adiante..
Os principios básicos polos que se move o noso proxecto son:
Recuperación do
patrimonio histórico
e familiar.
Coidado pola
vida e o benestar
dos animais.
Viabilidade do proxecto
desde o punto de vista
do territorio.
Aposta polo
emprego no
medio rural.
Procesos de traballo
e produción sostibles
e de carácter artesanal.
Precursores do campo
e a economía agraria
como proxecto de futuro.
Produtos de alta calidade
baixo o paraugas
dunha marca propia.
Fomento
da cultura
e a arte.
Respecto da
contorna e o
medio ambiente.
Galicia é unha terra privilexiada. O seu clima, cos seus invernos húmidos e veráns suaves, deu lugar a unha contorna natural única de bosques e carballeiras máxicos, de ríos e arroios salpicados por muíños de auga que outrora moían o gran. Aquí escóitase o ritmo da natureza e o tempo rexido por ese compás inspíranos e acompáñanos no noso quefacer. Son os ingredientes que conducen ao mimo polas cousas pequenas e ben feitas. Esa é a esencia de Galicia e a esencia da nosa marca.
O carballo é o símbolo do noso logo e da nosa comarca. Robusto, forte e duradeiro, o carballo recibe da cultura celta os atributos de símbolo de vida, forza, sabedoría, nobreza, familia, lealdade e lonxevidade. Por todo iso sentímolo tan identificado co noso proxecto, un compromiso coa vida, a natureza, o benestar dos animais e o coidado das persoas.
A caixa de ovos campeiros de Pazo de Vilane foi deseñada en 1997 polo deseñador galego Pepe Barro, un referente do deseño en Galicia. Un envase diferente para un produto diferente que naquel ano conseguiu romper a estética monótona dos envases de ovo. Recibiu varios premios e presentouse en exposicións de deseño industrial. Recolle a esencia do que somos: naturalidade, artesanía, sustentabilidade, o mundo rural e a natureza e as cousas feitas como antes, amodo e con coidado.
É reciclable e reutilizable, por iso se adapta fielmente aos nosos principios. A súa decoración de galiña e galo punteados ten a forza do simbólico e a tosquedade do artesán, evocando a liberdade da nosa forma de produción, fronte á fría perfección da produción masiva e mecanizada. É un reflexo da forma de facer en Pazo de Vilane, é un reflexo da nosa forma de vida.
Os ovos campeiros e as marmeladas ecolóxicas están dispoñibles en moitos establecementos próximos a ti.
