Podes levar esta receita á mesa en porcións individuais, ou ben cuallala nunha bandexa grande e cortala en pequenos trociños antes de servir. Presentes como o presentes..¡ asegurámoste que voará¡
A textura desta mousse é lixeirísima e o contraste coa marmelada de tomate e a menta resulta sinxelamente delicioso.
Se non tes tempo ou non te apetece liarte moito na cociña. Podes usar a marmelada artesá de tomate agridulce Pazo de Vilane coa toda tranquilidade. Garantímoste que a cociñamos co mesmo agarimo que porías tí na casa.
.
Cómo elaboramos a nosa marmelada de tomate
- Cultivamos os nosos tomates na Margada, unha das fincas de Pazo de Vilane. Din os aldeáns que é unha das mellores da zona (e se o din os que saben...).
- O certo é que está orientada ao sur, ten estanque e pozo e ademáis está rodeada polo río Estanco. As galiñas lles encanta pastar por estas terras.
- En resume: sol e temperaturas estables, abundante auga e abono orgánico… Imposible conseguir tomates mellores.
- Facemos as marmeladas cos tomates no seu punto xusto de maduración, cociñandoas a lume lento, seguindo a nosa receita tradicional. Unha vez listas as envasamos ao vacío, sen conservantes nen ningún aditivo.
- Presentámolas nun estuche de cartón reciclado que no Pazo adoitamos aproveitar para gardar cousas na cociña: velas de aniversarios, algunha especia, sobreciños de infusións...
Ingredientes
- 1 placa de biscoito
- 3 iogures
- ¼ l nata montada
- 3 follas de xelatina neutra
- 200 g marmelada de tomate Pazo de Vilane
- 4 follas de menta
- 4 moldes redondos
Elaboración
- Corta o biscoito usando cada molde. Deixa o círculo de biscoito como base de cada porción individual, dentro dos moldes.
- Se queres facer o biscoito na casa, podes seguir a nosa receita de biscoito de vento e fornealo como plancha na bandexa do forno.
- Coloca os moldes sobre unha bandexa que caiba na neveira.
- Hidrata as follas de xelatina neutra, quenta lixeiramente nunha pota medio iogur, e engádeas. Remove.
- Engade a nata e o resto dos iogures, segue removendo uns minutos e retira do lume.
- Cando se arrefríe un pouco, pon a mestura en cada molde.
- Lévaos á neveira e déixaos arrefriar unha hora ata que solidifiquen.
- Sácaos, unta as superficies con marmelada de tomate, alisa e desmolda con coidado
- Decora con follas de menta (enteiras ou picadas).
