Probablemente, unha das receitas de empanadillas máis popular que hai. Podemos enchelas de calquera cousa, queixo, pito, verduras… pero as que todos coñecemos e que nos facían as nosas nais cando eramos pequenos, son, sen dúbida, as empanadillas de atún, tomate e un rico ovo duro, e se é de Pazo de Vilane,mellor!
Ingredientes
- 4 ovos cocidos de Pazo de Vilane
- 2 ovos de Pazo de Vilane para douralas
- 16 obleas de empanadillas
- 4 latas de atún
- 1 pemento vermello
- 1 pemento verde
- 1 cebola
- 50 gramos de tomate frito
- Sal
Elaboración
- Cos ovos xa cocidos comezamos a preparar o recheo. Cortamos a cebola á xuliana moi finiña e os pementos moi pequenos e salteamos a lume medio cun pouquiño de aceite e sal, durante 5 minutos.
- Escorremos o atún e engadímolo á tixola. Revolvemos todo durante un par de minutos.
- Engadimos tamén o tomate, o sal se é necesario e cociñamos un par de minutos máis.
- Pelamos os ovos duros e cortámolos en pequenos anacos. Incorporámolos ao recheo que xa estará fóra do lume.
- Prequenta o forno durante 10 minutos a 180º C mentres enches as empanadillas.
- Sobre a masa colocamos unha pouquiño de recheo, dobramos pola metade, esmagamos lixeiramente os bordos un pouquiño cos dedos e selamos cun garfo.
- Sobre papel de forno poñemos as empanadillas. Batemos dous ovos e pintamos as empanadillas.
- Enfornámolas a 180º ata que se douren. Retiramos, deixamos arrefriar e a comer.
