¿As festas de Nadal xa están aquí pero aínda non te metiches en fariña? Imos solucionar isto enfornando estas preciosas e riquísimas galletas de Nadal.
Teñen un gusto a canela e vainilla incrible (¡non podes parar¡) e unha textura crocante (se as fas finas) ou lixeiramente fariñosa, se as prefires máis gordiñas. En calquera caso…¡Verás qué sinxelas de facer e cómo desaparecen¡
Decoralas resulta todo un entretemento para os nenos nas tardes longas e frías. De feito, podes animalos a preparar varias e envolvelas en paquetiños de agasallo para os curmás, avós ou os amigos. ¡Encantaránlles¡.
Todos os trucos para decorar galletas de Nadal
- As galletas de Nadal decóranse con “glasa” de dous tipos, unha máis espesa, coa que se poden formar relieves (“glasa” de delineado) e outra, máis líquida, coa que podes cubrir case toda a galleta. Combinando ambas (e dándolles cor con tinguiduras alimentarias) lograrás debuxos preciosos.
- Mete as distintas “glasas” en bolsas de plástico e úsaas a modo de mangas pasteleiras, deste modo poderás traballar con calma, sen medo a que se sequen antes de tempo.
- Para combinar unhas e outras deberás deixar un tempo prudencial de secado. Por exemplo, se queres siluetear unha galleta en forma de árbore, faio coa “glasa” espesa, déixaa secar e logo compreta no interior do debuxo coa “glasa” líquida.
- Podes usar case calquera cousa para rematar a decoración: azucre tinguido de cores, modelos con debuxos para espolvorear cacao, framboesas, arandos ou incluso gominolas...¡Deixa voar a túa imaxinación¡.
Ingredientes
- Para as galletas: 70 g. de manteiga sen sal
- 250 g. de fariña de millo
- 85 g. de azucre
- 1 ovo campero Pazo de Vilane
- 1 culler de esencia de vainilla
- Un pouco de sal
- 1 culleradiña de canela
- Para o glaseado: 360 g de azucre glas ou pulverizado, tamizado
- 2 claras de ovo
- 2 culleradiñas de zume de limón
- Colorante alimentario en xel
- Opcional: leite para engadir á “glasa” máis líquida (con consistencia de recheo)
Elaboración
- Saca a manteiga da neveira para estea blandiña (non derretida) e bótaa nun cunco grande.
- Mestura a manteiga co azucre e un chisco de sal.
- Engade un ovo, a vainilla e a culler de canela. Quedarache coa textura dun puré ou dun iogur.
- Por último, tamiza a fariña e vai incorporándoa pouco a pouco coa axuda dunha espátula.
- A masa ao principio estará desligada (coa textura de faragullas) pero continua coas mans e trabállaa ben.
- Cando a masa tome forma de bóla , envólvea con filme e gárdaa na neveira, unha hora.
- Saca a masa e pon un pouco de fariña nunha tabla de cociña ben limpa.
- Retira o filme e traballa co rodete ata deixar unha lámina do grosor que prefiras as galletas.
- Agora cuns moldes ou cortadores, fai as formas que máis che gusten (estrelas , árbores, renos, monecos de neve…).
- Repite a operación tódalas veces necesarias, ata rematar a masa.
- Leva as galletas á bandexa, con papel de enfornar e ahí ao forno prequentado a 180º, con calor por riba e abaixo, entre 10 e 13 minutos. Retíraos cando os bordes estean tostados, déixaas arrefriar uns minutos e despois déixaas arrefriar nunha reixa.
- Fai a glasa de delineado (espesa). Para iso, pon noutro bol tódolos ingredientes e mestura con baleas. Separa en distintos cuncos e agrega en cada un o colorante deseado, mesturando. Unha vez listos, lévaos a mangas pasteleiras diferentes e comeza a decorar con líneas. En caso de que non estea suficientemente espesa, podes rectificar engadindo máis azucre glas.
- Reserva outro cunco grande con “glasa” para posteriormente engadirlle un pouco de leite e facela así máis líquida. Esta última empregarala para rechear as siluetas que antes delineaches.
- Remata de decorar tódalas galletas e déixaas secar.
