¡Qué receita máis rica e sabrosa¡
Adóitase comparar coa crema catalá, porque en ámbalas sobremesas empréganse ingredientes similares e sobre todo pola común capa tostada de azucre que volve tolo a todo aquel que o proba.
Pero en realidade difiren no modo de preparación: mentres a créme brúlée se mete no forno ao baño maría, a crema catalá baséase na coción constante a lume lento. Ademáis, a créme francesa leva nata e xeralmente algún licor, mentres a catalá só inclúe ovos, leite, azucre e algo de fariña de millo.
Sexa como sexa e competencias ou comparacións aparte, asegurámosche que non esquecerás o sabor delicado e doce e a textura suave e fundente desta créme brúlée.
¡Corre á túa cociña e saca da neveira unha caixa de ovos camperos do Pazo¡ Que esta receita vaite dar fama…
Orixe da crème brûlée ou crema queimada
- A primeira vez que aparecen referencias escritas desta sobremesa é no libro Le nouveau cuisinier royal et bourgeois (1691), de François Massialot.
- Naquel momento a costra de azucre da superficie formábase cunha paleta de ferro ao lume vivo, tal e como se facía ata que os modernos sopletes entraron nas cociñas.
- Massialot foi cociñeiro nas sucesivas cortes entre o XVII e o XVIII, e a súa obra marcou un antes e un despois na cociña gala.
- Aínda que se cree que a receita se coñecía desde séculos antes, Massialot fíxose famoso pola súa créme brúlée, que pasou a ser un dos pratos máis coñecidos da afamada cociña francesa.
- O propio Felipe I de Orlèans (1640-1701) declarouse amante rendido desta receita.
Ingredientes
- 250 ml de leite enteira
- 250 ml de nata
- 1 cullerada de esencia de vainilla
- 1 chorriño de licor
- 5 ovos (só as xemas)
- 70 gr de azucre (e 10 máis para a cobertura)
Elaboración
- Pon a quentar nun cazo a leite e a nata.
- Engade a cullerada da esencia de vainilla, un chorriño de licor e remove. Segue cociñando a lume medio.
- En canto a mestura rompa a ferver, apaga e deixa infusionar ao menos 30 minutos.
- Mentres tanto, aparta as xemas das claras (reserva estas últimas para un merengue co que podrás adornar cada crema) e báteas con azucre, axudándote dunhas baleas.
- Acende o forno e prequéntao a 100º
- Segue batendo ata que estean moi espumosas e bastante branquiñas.
- Engade a leite, a nata e a vainilla infusionadas ás xemas e segue mesturando ben coas baleas.
- Bota a mestura en catro cazoliñas de barro e ponas sobre unha bandexa apta para o forno, Verte auga sobre a bandexa, ata que cubra a metade das cazolas, pois as cociñaremos ao baño María.
- Encende o ventilador do forno e mete a bandexa, a unha temperatura de 100-130º.
- Vixía que a auga non ferva en ningún momento. Deixa que enforne durante unha hora aproximadamente.
- Saca as cremas e deixa que arrefríen a temperatura ambiente. Logo, méteas na neveira, polo menos 2 horas, aínda que o ideal é que acabes a preparación ao día seguinte.
- Xusto antes de servir, espolvorea a superficie das cremas con azucre moreno (que non quede ningún oco para cubrir).
- Por último, cun soplete de cociña, dora suavemente a superficie.
