Tódalas versións dos biscoitos nos encantan. ¡Pero este vólvenos tolos¡ A receita deste biscoito holandés foi agasallo de Anne, unha holandesa admiradora dos ovos camperos Pazo de Vilane que visita habitualmente Galicia.
Ela mesma contábanos a historia da súa receita. “vivo durante seis meses nunha casa rural galega e cando estou aquí gústame facer este biscoito, unha mestura deliciosa de dúas sobremesas holandesas, o Kokosmakroon (galleta de coco) e Oma’s cake (biscoito da avoa). Eu doulle un toque especial, co chocolate branco e as framboesas, porque paréceme a combinación perfecta”.
E apetecible en calquera época do ano, engadiríamos nós. Anímate que imos remangarnos e meternos entre fogóns para preparar este riquísimo biscoito holandés con framboesas e chocolate branco nuns minutiños.¡
O biscoito holandés: toda unha institución nos Países Baixos
- Hai moitísimas fórmulas de biscoitos holandeses. Case cada familia ten a súa propia. E é que en Holanda hai unha tradición reposteira moi arraigada e son usuais as pausas ao longo do día para tomar un café acompañado dunha galleta ou biscoito, tanto na casa como nas miles de espectaculares cafeterías-reposterías repartidas por todo o país.
- Calquer anfitrión holandés recibe ao seu hóspede con distintos tipos de pasteis ou biscoitos, moitos deles elaborados con especias, ovos camperos, mazás ou outras froitas, chocolate, xenxibre, nata , caramelo, manteiga ou leite fresca.
- En Holanda, O Nadal, o Ano Novo, a Pascua, os aniversarios son a excusa perfecta para montar preciosas mesas doces onde os biscoitos, as tartas e os doces son os protagonistas. ¡É o paraíso dos golosos¡
Ingredientes
- 225 g de chocolate branco
- 175 g de manteiga
- 175 g de fariña de millo de repostería
- 225 g de azucre
- 100 g de coco relado
- Media culler de fermento en po
- 150 g de framboesas frescas
- 3 ovos camperos Pazo de Vilane
- 50 g de chocolate branco para decorar
Elaboración
- Prequenta o forno a 180º.
- Verte o chocolate branco e a manteiga nun cunco e derríteo ao baño María dentro dun cazo.
- Bate a fariña, o fermento, o azucre, o coco e os ovos camperos.
- Engade a manteiga e o chocolate derretido.
- Verte a masa nun molde de 24 centímetros e pon as framboesas.
- Leva ao forno durante 35-40 minutos (ou ata que estea listo) a 180º.
- Saca o biscoito e deixa arrefriar sobre unha reixa. Cando estea frío, desmolda, derrete os 50 gramos de chocolate branco e decóraro como máis che guste (cubríndoo ou facendo debuxos).
