As tortillas recheas son versátiles e ricas. O mesmo te solucionan un tentempié rápido que o segundo prato dunha cea formal. ¡Todo depende do recheo¡
Nesta ocasión optamos por un par de pescados fáciles e moi económicos: atún en lata e paliños de cangrexo. Pero tamén te quedará boísima cunhas latiñas de salmón (en conserva ou afumado), unhas sardiñas de lata ou unhas gulas.
¡Esta receita estate pedindo a gritos que empregues nela toda a túa imaxinación¡
Tortilla rechea: todas as claves
- As tortillas recheas poden ser de pataca ou á francesa: elixe a forma de elaboración que máis te guste, en ambos casos quedarante estupendas.
- A nós gústanos as tortillas non moi calladas, para que non queden resecas, pero neste caso é preferible que queden con algo de consistencia, para que soporten o recheo sen derramarse no prato.
- Escollimos a tortilla rechea á mariñeira, pero se te vai máis a carne, aquí vai unha boa batería de ideas para recheos alternativos: magro de porco adobado en trociños, ou picadillo de chourizo, ou incluso carne picada aliñada con herbas aromáticas e algo de queixo relado fundido ¿Non se te fai a boca auga?
- Á hora de servir a tortilla rechea (fría ou quente)ten en conta sempre os recheos: un de atún, gulas, maionesa e ensalada (especialmente se leva leituga e cebola) pide máis unhas tortillas frías. Pero se te decidiches por un picadillo de chistorra, o conxunto quedarate moito máis rico se todavía está tépedo.
Ingredientes
- 8 ovos de Pazo de Vilane
- 1 cebola
- 250 g de patacas
- 250 g de paliños de cangrexo
- 2 latas de atún pequenas
- 1/2 leituga
- 1 cebolleta
- 1 cunca de maionesa
- 1/2 iogur
- Aceite de oliva
Elaboración
- Pela as patacas, lávaas e córtaas en toros máis ben finas, para tortilla.
- Pela a cebola e córtaa en tiriñas finas, ou mellor aínda pícaa.
- Quenta nunha tixola a lume medio abundante aceite e fríe a cebola uns minutos ata que esté transparente.
- Engade as patacas e continúa fritindo a lume suave uns 30 minutos, ou ata que estén tiernas.
- Mentres se fríen as patacas, prepara o recheo mariñeiro: pica a leituga en trozos pequenos, a cebolleta e os paliños de cangrexo. Engade as latas de atún e aliña todo con maionesa e o iogur.
- Saca as patacas e a cebola da tixola a un prato e escorre ben.
- Divide as patacas en dúas partes e bate os ovos de 4 en 4, en dous cuncos diferentes. Calla as dúas tortillas distintas, máis ben planas (non excesivamente).
- Déixaas arrefriar. Cando estén listas, coloca unha de base, por unha boa capa de recheo e tapa o conxunto coa outra.
- Podes servir a tortilla rechea así, ou ben cortala en triángulos e servila en pratos individuais, para que se aprecie ben o delicioso interior.
