Esta tortilla de espárragos vaite namorar: tan fácil e rica como calquera tortilla, pero co toque crocante e delicioso dos trigueiros. A nós gústanos con pataca e cebola en láminas finas, pochadas e cunha proporción alta de ovos camperos, para que quede ben suculenta.
¿O truco especial e sorprendente? Segue lendo e o descubrirás. En canto o coñezas vas querer facer esta tortilla XA.
Puntos básicos para levar a túa mesa unha tortilla de espárragos espectacular
- É necesario que cociñes previamente os espárragos, ou quedarán demasiados duros. Hai quen lles da un lixeiro fervor previo para abrandalos, pero a nós gústannos máis á prancha.
- Elixe espárragos trigueiros finos; mellor se son de tempada, porque estarán moito máis tenros.
- Non batas demasiado os ovos; porque entrará aire na mezcla.
- Se che gusta a tortilla pouco callada, asegúrate de que na combinación de patacas, cebolas, espárragos e ovos camperos haxa suficiente proporción destos últimos.
- Aquí está o noso truco especial: refogue o touciño do xamón serrano e marca os espárragos. Xa verás que sabor!
Ingredientes
- 6 ovos camperos Pazo de Vilane
- 4 patacas medianas
- 1 cebola mediana
- 1 feixe de espárragos trigueiros
- 3 o 4 pedazos de touciño de xamón serrano o ibérico
- 3 dentes de allo
Elaboración
- Corta as patacas en láminas, a man, cun coitelo afilado.
- Igualmente, corta a cebola moi fina, para que cando se poche se desfaga e quede transparente.
- Nunha tixola con aceite de oliva, pocha a lume medio as patacas e a cebola. Engade sal.
- Mentres, vai cortando unhas tiras de espárrago verde, moi finas. Descarta os talos, que son máis duros.
- Nunha tixola aparte, fríe o touciño do xamón ata extraer a graxa. Engade uns dentes de allo, os espárragos e saltea.
- Escorre as patacas e a cebola, bate os ovos nun cunco grande e mezcla con coidado.
- Calla a tortilla. Primeiro, nunha tixola antiadherente e cun pelín de aceite de oliva, engade a primeira capa de patacas, ovos e cebola.
- A continuación, coloca os espárragos. Finalmente, tapa cunha segunda capa da mezcla.
- Dalle a volta e cállaa según o teu gusto.
