A receita que che traemos hoxe, risotto de cogomelos con ovo poché, é verdadeiramente sinxela e deliciosa. Hai que recoñecelo: se os españois temos as paellas e os arroces caldosos mariñeiros, os italianos teñen os risottos, xeralmente elaborados con ingredientes da horta e con ese toque de trufa e queixo parmesano que marca a diferenza.
Aos amantes do arroz esta receita de risotto encantaralles , porque se sae do común pola combinación de sabores. ¿e aos non moi aficionados? Apostamos a que lles enganchará e repetirán unha e outra vez. O queixo, os cogomelos e o ovo campero Pazo de Vilane escalfado ou poché proporcionan ao prato un sabor meloso orixinal e boísimo.
Os trucos dun Pazo galego para facer un risotto con cogomelos e ovo digno do mellor ristorante italiano
- É importante que elixas un bo arroz. As variedades carnaroli ou arborio, orixinarias de Italia, son perfectas para iste prato. Como o risotto debe quedar moi cremoso (e non caldoso, como erróneamente se cree) o arroz elixido debe ter unha porcentaxe alta de amidón e ser curto e duro.
- O tempo de cocción é importante: de 15 a 18 minutos. O arroz debe quedar tenro pero co interior “al dente”. E por suposto, como mencionamos anteriormente, todo o conxunto debe quedar ligado nunha textura cremosa.
- No Pazo non botamos o caldo de golpe (como na paella) senón que o engadimos gradualmente e removendo constantemente. Desta forma, o arroz absorbe máis o sabor e queda máis cremoso. Movelo con suavidade é importante para que o grao solte todo o amidón e adquira a súa característica textura.
- Se podes e a atopas no mercado, escolle cogomelos de tempada con moito aroma: boletus, cogomelos de cardo, champiñón portobello, angula de campo, colmenillas, rebozuelo.. Daralle maior riqueza ao prato.
Ingredientes
- 4 ovos camperos Pazo de Vilane
- 320 g de arroz
- 2 ceboliñas
- 2 dentes de allo
- 400 g de cogomelos variados
- 120 ml de viño branco
- 1 litro de caldo de pito
- 40 g de pasta de trufa
- 60 g de queixo parmesano
- 3 culleradas de aceite de oliva
- 3 culleradas de manteiga
- 1 chisco de sal
- 1 chisco de pementa negra
Elaboración
- Nunha tixola grande, de fondo plano- ou nunha paellera antiadherente- bota o aceite de oliva e a manteiga e quenta a lume medio.
- A continuación, engade as ceboliñas e os dentes de allo moi picados e baixa o lume, para que se douren amodo, sen queimarse.
- Mentres, pica os cogomelos e engádelles cando a ceboliña e o allo estean listos, subindo lixeiramente o lume. Seguidamente, engade o arroz e dálle unhas voltas ata que adquira o seu característico aspecto perlado (cuns segundos chega). Bota sal, pero ten en conta que o toque final de parmesano achegaralle sazón.
- A continuación, engade o viño branco ao sofritido e sobe o lume a forte, para que evapore o alcol.
- Despois, bota o caldo de pito aos poucos, baixa a lume medio e deixa que se faga, removendo de forma constante.
- Mentres, prepara 4 ovos poché (ou escalfados ) polo método que prefiras. Podes facelos no microondas-axudándoche dun cunco e papel de plástico de cociña-ou ben nun cazo con auga quente (non fervendo) facéndoos virar con coidado, cunha culler.
- Cando queden uns minutos para que o arroz estea listo, engade a pasta de trufa e o parmesano relado e remove lixeiramente.
- Emprata tratando de dar ao arroz unha forma bonita (cun aro ou un cunco) e coroándoo cun ovo poché e unhas labras de queixo parmesano.
