Se existise un premio á receita máis sinxela, rica e barata con ovos camperos, estamos seguros de que os ovos rotos (ou estrelados, como tamén son coñecidos) subirían ao podio para recibir medalla.
É impresionante: nin o ascenso meteórico da cociña sofisticada, o xurdimento de chefs con orixinais invencións ou os ingredientes caros e exclusivos puideron cos ovos rotos. ¡segue sendo o prato preferido de moitos¡.
Nada pode coa exquisita combinación desa sabrosa cama de patacas fritas con ovos camperos ben feitos, rotos ou mesturados, que comparten sabores e exquisitos mollos.
A clave deste prato sencillísimo pero inigualable son dous: os mellores ingredientes e a boa man na cociña.
Como damos por feito que a segunda xa a tes, apuntámoste todos os nosos trucos e a lista dos ingredientes, para que bordes esta receita de ovos rotos ou ovos estrelados.
En Pazo de Vilane adoitamos coroar este prato con unhos suculentos liscos de xamón serrano , cortados moi finos. E colocámolos xusto cando sacamos os ovos e as patacas da tixola, para que o touciño se funda co calor residual.
Naturalmente, este último paso é opcional, pero recomendámoste que sigas o consello. Non te arrepentirás.
Historia dos ovos estrelados... ¿Ou son ovos rotos?
Dado que o home comeu ovos desde tempos inmemoriais, e máis aínda desde a domesticación das galiñas, no Antigo Exipto e na India, é probable que os primeiros ovos fritos os comeran os fenicios, alá polo 1000 A.C. que comerciaban co aceite de oliva por aquelas terras.
As patacas xa son outra cousa, pois viñeron de América. ¿Cómo puidemos vivir sen elas antes do encontro dos continentes? Non é raro, polo tanto, pensar que os primeiros pratos de ovos rotos se deran en España alá polo XVII.
Xa en 1618 Diego Velázquez pintaba a súa “Vella fritindo ovos” unha das súas obras máis coñecidas , cuxa historia e características xa repasamos en Pazo de Vilane (do mesmo xeitos que outras grandes referencias da arte nas que os ovos camperos eran os auténticos protagonistas). Nesa e en outras moitas pezas pictóricas podemos comprobar que os ovos fritos formaban parte da dieta diaria das familias do pobo.
Ademáis, máis ou menos por esas datas, as patacas xa se popularizaran en toda España, e o prato de ovos rotos, nun principio reservado ás mesas humildes, íase facendo un oco na de nobres e burgueses de renome.
En 1846, Richard Ford, viaxeiro, debuxante e historiador, mencionaba na súa obra “Gathering from Spain” os ovos rotos ou estrelados e a súa marcada presencia nas mesas dos españois.
Pero non foi ata os anos 80 cando o cociñeiro Lucio Blázquez elevou este prato á categoría de alta cociña no seu restaurante madrileño Casa Lucio, moi frecuentado por famosos, e convertiu a receita en todo un obxecto de desexo internacional e incluso unha das atraccións turísticas españolas.
O debate sobre se o prato se chama Ovos estrelados ou ben ovos rotos segue ata os nosos días. Tampouco nos poñemos dacordo en si se debe engadir ou non algunha carne ou aderezo final (xamón, chourizo, carne de cerdo adobada...)
Respecto á polémica sobre a denominación, parece ser que no primeiro caso, ovos estrelados, fai referencia á forma que toman os ovos cando se fríten en abundante aceite moi quente (esas irregularidades tostadas que simulan as puntas dunha estrela).
Os que defenden o segundo nome, ovos rotos, evocan ese momento grandioso en que , coa axuda de dúas culleres, rómpense as xemas e caen, melosas, mesturándose coas patacas.
Ingredientes
- 200 g de aceite de oliva
- 4 patacas medianas de moi boa calidade (cachelos)
- 150 g de xamón serrano cortado moi fino
- 4 ovos camperos Pazo de Vilane
Elaboración
- Saca o xamón da neveira e déixao a temperatura ambiente.
- Corta as patacas en láminas ou trociños pequenos.
- Fríe as patacas en abundante aceite, a lume medio. En canto se doren por fora, uns poucos minutos, baixa o lume para que non esté moi forte.
- Unha vez feitas (deben estar blandiñas e ben feitas por dentro) pásaas a un escorredoiro e engade sal.
- Fríe os ovos un a un, co aceite quente.
- Emprata: pon unha base de patacas, os ovos por encima e o xamón, moi fino, sobre os ovos quentes, para que se funda o touciño e solte o mollo.
- Rompe os ovos e o xamón, mestura todo ben e serve rápido.
