¡Ay qué riquiños están os ovos cocotte! E que sinxelos son de facer. Nesta ocasión desde Pazo de Vilane propoñémosche unos ovos cocotte con xamón e trufa sobre cama de verduras, unha receita con nome de alta cociña pero que se fai en 10 minutos de microondas.
Escolle uns bonitos cuncos aptos para o micro (e os nosos ovos camperos, ben frescos, naturalmente) e terás nun momento un segundo prato para invitados de chuparse os dedos e ben sinxelo.
Alternativas para facer ovos cocotte con xamón e trufa se non tes todos os ingredientes
- Os ovos cocotte están bós con todo, así que non teñas problema se botas en falta algún ingrediente dos que che propoñemos. Substitúe ...e sorprenderás.
- Se a trufa che parece cara, ou non te resulta sinxelo atopala, podes comprar unha botelliña de aceite de trufa . Ten un sabor e un aroma tan intensos que con apenas unhas gotiñas bastará para impregnar todo o prato.
- Se se che acabou o viño branco, podes engadir un pouco de caldo de pito, tamén lle dará un toque sabrosísimo.
- ¿Encántache o queixo? Non o dubides, cando esteas rehogando as verduras e se evapore o alcol do viño branco, engade un paso opcional e bótalle queixo relado. Ao estilo suizo, xa sabes…
- O xamón ibérico é o ideal, claro está; pero tamén está de chuparse os dedos calquer xamón serrano máis económico. Iso sí, que sexa recentemente cortado e ben finiño.
- Propoñémosche cabaciña, ceboliña e ceboliño para a cama de verduras, pero podes refogar sen problemas todas as que teñas no caixón da neveira.
Ingredientes
- 4 ovos camperos
- 4 lliscos de xamón ibérico
- 1 chorriño de viño branco
- 1 culleradiña de manteiga
- 1 chorriño de aceite de oliva
- 1 cabaciña pequena
- 1 ceboliña
- 1 cenoria
- 1 feixe pequeno de cebollino
- 1 trufa (ou unhas gotas de aceite de trufa)
- 1 pouquiño de finas herbas ao tu gusto: tomillo, orégano, perexil…
- Sal e pimenta.
Elaboración
- Nunha tixola, quenta a lume medio unha cullerada de manteiga e un chorriño lixeiro de aceite de oliva.
- Mentres se vai cortando as verduras en xuliana. Se contas cunha mandolina, podes facer liscos finos de cabaciña.
- Saltea as verduras a lume vivo (sen que se queimen) e déixaas feitas, pero lixeiramente crocantes. Uns 6-7 minutos soen bastar. Salpimenta.
- Na metade do salteo das verduras, bota un chorriño de viño branco e sobre lixeiramente o lume, para que se evapore o alcol. Espolvorea coas finas herbas ao teu gusto.
- Cando estean listas, sírveas nos cuncos, e casca un ovo en cada un.
- Reparte os trociños de xamón do tamaño dun bocado para que sexan sinxelos collelos co garfo, e ben pon por riba uns liscos finos de trufa ou unhas gotiñas do seu aceite.
- Tapa cun papel film de cociña e lévao ao microondas a máxima potencia 1 minuto.
- Sácao e comproba (cada micro é un mundo). En caso de que o ovo estea demasiado ou pouco callado, rectifica de tempo. Serve quente.
