Os ovos ao prato con migas están boísimos a calquera hora e en tódalas súas versións- ¡será por variacións rexionais¡- pero no Pazo gozámolos especialmente como almorzo ou xantar contundente nas mañás frías, cando volvemos de revisar os galiñeiros ou saimos a pasear ao campo.
¡Qué ricos nos saben a esas horas¡
Ademáis, o bo desta receita de migas con ovos que che traemos- inspirada nas terras extremeñas- é que non emprega embutido nin polo tanto, graxas animais: só leva pan caseiro, aceite de oliva, pimentón, allo e pimentos, ademáis dos ovos camperos máis frescos do mundo, faltaría máis.
Apunta tódolos pasos e leva á túa mesa este prato en canto teñas ocasión. ¡Verás qué prato da cociña tradicional española máis sinxelo e deliciosio¡.
Todas as claves para triunfar cos teus ovos ao prato con migas
- Unha das claves para facer unhas boas migas é elexir o pan axeitado. O mellor é o candeal, de fogaza. Con esa miga consistente e densa, ¡non podes fallar¡.
- Ademáis, é moi importante que fagas un bo corte fileteado, é dicir, miúdo e fino, de forma similar a como preparas as patacas para a tortilla.
- Se tes tempo, é mellor que deixes o pan húmido toda unha noite dentro dun bol e tapado cun pano, para asegurarte de que absorbe ben a humidade.
- Esa mesma falta de présa é moi importante na preparación das migas: o ideal é cociñalas a lume moi lento, desfacéndoas cunha culler de madeira, ata deixalas o máis soltas posible.
Ingredientes
- 4-6 ovos camperos Pazo de Vilane
- 600 g de pan candeal xa duro
- 6 culleradas sopeiras de aceite de oliva virxe extra
- 10 dentes de allo
- 1 pimento vermello
- 1 vaso de auga
- 1 culleradiña de sal
- 2 culleradas de pimentón doce da Vera
Elaboración
- Filetea o pan nun bol.
- Engade a cucheradiña de sal nun vaso de auga e disólvea ben
- Verte a auga sobre o pan, móveo ben coas mans, para que quede ben empapado e tapa cun pano limpo. Deixa que repose (se tes tempo, toda unha noite).
- Unha vez o pan estea listo, pon unha tixola ao lume con aceite e sofrite a lume medio os allos, enteiros e con camisa, pero aplastados. Resérvaos.
- Engade o pimento vermello cortado en tiras pequenas, dalle unhas voltas e engade as dúas culleradas de pimentón. SE che gusta que teña “un toqueciño” podes empregar a metade de doce e a metade de picante. Sofrite uns segundos (non deixes que se queimen).
- Baixa o lume ata o mínimo e engade o pan. Vai separando as migas cunha culler de madeira, dándolles voltas. Engade os allos e segue cociñando.
- Prequece o forno a 180º.
- Un pouco antes de que as migas estean feitas do todo sácaas e sírveas en cazolas de barro individuais.
- Chega o momento culminante: casca un ou dous ovos (ao gusto) en cada pota e méteas ao forno. Déixaas uns 10 minutos, ou ata que vexas que a clara está callada- é mellor que a xema estea líquida, para darlle xugosidade ao prato.
- Serve as cazolas todavía quentes.
