Quen dixo que os legumes non son para o verán? Precisamente cando o calor aperta, o que apetece son pratos coma esta ensalada de garavanzos: fresca, orixinal, vistosa e moi rica. Teno todo!
Combina “o mellor do mellor”: as hortalizas de verán, os mariscos do mar salgado, os legumes máis sans do interior e naturalmente, os nosos ovos campeiros, postos polas galiñas de Pazo de Vilane que, incluso no verán, seguen pacendo a herba verde… Porque isto é Galicia!
Anímate e prepara esta impresionante ensalada de garavanzos, gambas, pementos con salmorejo e ovos campeiros: vaise converter na túa nova obsesión culinaria.
Como facer unha ensalada de garavanzos de luxo en 15 minutos
- Substitúe o paso de asar os pementos por unha boa conserva. Escorre ben o líquido e córtaos en tiras.
- Usa gambas desconxeladas en vez de frescas (aforrarás o tempo de pelalas).
- Coce os ovos a noite antes. Aproveita, ademais para facer o salmorejo: resolverás a cea e xa terás outras dúas capas da ensalada de garavanzos.
- Aínda que se tarda moi pouco en facer o cuscús (apenas 4-5 minutos) podes, así mesmo, cociñalo con anterioridade e gardalo nun recipiente hermético de cristal.
- Podes usar os brotes tenros da leituga que se comercializan embolsados. Xa veñen cortados e, en moitos casos, até lavados.
Ingredientes
- 2 ovos campeiros Pazo de Vilane
- Pementos asados
- 100 g de gambas
- Allo e pirixel
- 200 g de garavanzos cocidos
- Leitugas variadas
- 4-5 tomates vermellos
- 1/4 de pan candeal
- 1 chorrito de aceite de oliva
- 1 taza grande de cous cous
- 1 pizca de sal
Elaboración
- Coce os garavanzos con sal (a remollo dende a noite anterior) sácaos e escórreos. Resérvaos até que estean fríos. Tamén podes empregar garavanzos en conserva -lavados en auga fría e escorridos-.
- Entrementres, prepara os ovos, cocéndoos durante 10 minutos (contando dende o primeiro fervor). Cando estean listos, pélaos e pícaos en anaquiños pequenos.
- Asa os pementos (tamén podes empregar os dunha boa conserva). Machuca sal, allo e pirixel e déixaos con este adubo unhas horas.
- Prepara un salmorejo cos tomates, o pan duro, o allo e o aceite de oliva, tal e como che indicamos na nosa receita de salmorejo.
- Nunha tixola, saltea as gambas xa peladas e sen cabeza, cun chorriño de aceite de oliva, o allo e o pirixel. Reserva.
- Prepara 200 g de cuscús tal como indica o paquete (con auga quente e sal), remove e deixa repousar.
- Colocación no prato: pon unha capa de cuscús no fondo, outra de pementos, outra de salmorejo e unha cuarta de garavanzos. Repite a operación.
- Finalmente, remata cunha boa capa de ovos cocidos, as gambas ao allo e unhas follas de leituga para adornar.
