¿Invitados inesperados? Non o dubides, unha “quiche” de verduras soluciónache a “papeleta” de forma rápida, barata e moi sinxela.
Nós fixemos esta “quiche” coas verduras que tiñamos no caixón da neveira, pero ¡palabra¡ admite todo o que teñas: touciño, xamón dulce, atún, chourizo, espárragos , brócoli , allos tenros…
Apúntate esta receita imprescindible con ovos camperos, porque a probarás… e repetirás.
Trucos que nunca che contaron sobre a “quiche” e os ovos camperos
- Os ovos deben ser camperos, de galiñas criadas en liberdade en pastos verdes todo o ano, como os prados lucenses de Pazo de Vilane. O sabor “ a campo” dos ovos nótase e moito.
- Ë importante bater ben os ovos, a “quiche “ subirá máis e saldrá máis esponxosa e grosa.
- Ten en conta as proporcións. Para esta cantidade de ovos (2) o molde que mellor casa é un de 22 a 24 cm.
- Ao axustar a masa quebrada ao molde, non esquezas cortar o sobrante que soe quedar ao redor e darlle forma cun garfo.
- ¿Queres un truco de chef? Fríe unhas follas de espinacas en abundante aceite quente, ata que queden crocantes. Sécaas en papel absorbente, sálaas e colócaas modo de “chips” por riba da “quiche” cando esté totalmente terminada.
Ingredientes
- 1 rollo de masa quebrada
- 1 chorriño de aceite de oliva
- 2 ovos camperos e a clara doutro.
- 1 brick de 200 ml de nata para cociñar
- 1 chisco de manteiga para o molde
- ½ vaso de leite de 100 ml
- 1 cebola
- 1 allo porro
- 1 zanoria
- ½ calabacín
- 1 feixe de espinacas
- 1 rulo de queixo de cabra
- 1 chisco de pimenta
- 1 chisco de sal
- Tomiño, ourego, romeu
Elaboración
- Coloca a masa quebrada nun molde (engrasado previamente con manteiga). Pincha cun garfo e coloca encima uns garavanzos, para que teña peso e non suba no forno.
- Pon o forno a 180º (calor arriba e abaixo) uns 10 minutos, o xusto para que estea un pouco crocante. Sácao do forno, retira os garavanzos e reserva.
- Corta a cebola en tiras finas e o calabacín e o allo porro e a zanoria en trociños moi pequenos.
- Saltea a cebola e o calabacín cun chorriño de aceite a lume medio. Sala e reserva.
- Na mesma tixola (engade aceite se é necesario), saltea asimesmo o allo porro e a zanoria cun chisco de sal. Cando case estén as verduras, engade pimenta, un puñado de tomiño, ourego e romeu picados e mestura ben.
- Nun bol , bate moi ben dous ovos enteiros cun pouco de pimenta. Engade a nata e a leite, rectifica de sal e engade todas as verduras anteriores.
- Verte con coidado a mezcla anterior sobre o molde coa masa xa previamente forneada, procurando que todas as verduras se repartan por igual.
- Pinta coa clara de ovo batida os bordos da “quiche”.
- Corta en toros un pouquiño grosas o rulo de queixo de cabra e méteas (empuxándoas ata o fondo). Podes engadir por encima outro queixo relado que funda ben, como o “cheddar” ou o “gouda”.
- Mete a “quiche” no forno uns 25-30 minutos, a 180º, calor arriba e abaixo. Estará feita en canto a masa estea tostada e crocante.
