O pisto á bilbaína é unha deliciosa mestura entre o pisto tradicional e os ovos revoltos. É unha desas receitas que convén ter de fondo de neveira nun recipiente de cristal, porque da moito xogo e mellora cos días. Ademáis, é unha das maneiras más sinxelas de facer comer aos nenos as verduras polas que tanto adoitan protestar…
Se segues o noso consello de gardar pisto na “recámara” , quentándoo a lume lento nunha tixola e calla o ovo xusto cando colla temperatura, retirándoa deseguido do lume. Remove… e listo. Con esta forma de requentado asegurarasche que non quede seco; todo o contrario.
Podes servilo cunhas torradas ou picatostes, acompañando unha carne ou un peixe, ou directamente só, porque o pisto á bilbaína está rico probando como o probes.
Os trucos infalibles dun Pazo galego para facer o mellor pisto á bilbaína
Non somos vascos, pero fixemos esta receita moitas veces. Por iso, ahí van algúns truquiños que nos funcionan:- Elixe cabaciñas pequenas: son moito máis sabrosas e non teñen pipas.
- Curta tódalas verduras en anacos pequenos, tardarán moito menos en facerse e aforrarás tempo e diñeiro.
- Igualmente, non dubides en tapar o recipiente (tixola, cazo de pouco fondo...)no que fagas o pisto. Poderás baixar o lume- aforrarás en electricidade -e as verduras vanse pochar moito mellor.
Ingredientes
- 4 ovos camperos Pazo de Vilane
- 2 cebolas
- 2 cabaciñas
- 2-3 pimentos verdes
- 4-5 culleradas de salsa de tomate
- 1 chorriño de auga
- 1 chorrito de viño blanco
- Aceite
- Sal
- Perexil picado
- Allo en po
- Rebanadas de pan de aldea
Elaboración
- Nunha tixola amplia pon a pochar as dúas cebolas, cortadas en anacos regulares. O lume debe ser máis ben floxo, para que non se queimen.
- Despois duns 10 minutos, engade os pimentos, tamén cortados en anacos do mesmo tamaño. Déixaos freir uns minutos e engade a cabaciña.
- Se as cabaciñas soltan moita auga, sobe lixeiramente o lume. Deixa freir tódalas verduras outros 7-8 minutos, dependendo de cómo che gusten. Aproveita para salpimentar.
- Transcurrido este tempo, engade as culleradas de salsa de tomate. Se todavía falta tempo para que se faga o pisto e notas que se está quedando seco, bótalle un chorriño de viño blanco e outro de auga (sobe un pouco o lume para que se evapore o alcol).
- Mentres, fríe as rebanadas de pan nun pouco de aceite.
- Por último, bate os catro ovos camperos, vérteos na tixola e retíraa do lume. Callarán co calor residual.
- Á hora de empratar, rompe os picatostes e colócaos por riba do pisto. Espolvorea con perexil picado e allo en po.
