Sabías que as orellas de entroido galegas teñen ese nome tan particular polo seu parecido ás orellas do porco? Tempo atrás era común aproveitar estes días de festa para consumir a toda presa os primeiros produtos do porco obtidos na matanza, pois nos días de Coresma rexía a abstinencia de carne.
E como xa se sabe que no Entroido todo son disfraces e bromas, é moi probable que estas orellas fosen á vez alegoría e “desquite” desa sobriedade que se iniciaba días máis tarde.
Sexa cal fora a orixe desta sobremesa galega tan tradicional, o certo é que as orellas de entroido seguen estando de plena actualidade. Non hai máis que pasear polos centros históricos das principais cidades galegas e botar un ollo aos escaparates das súas mellores pastelerías e confiterías. Todas eles presumen de apetecibles bandexas de orellas fritas de Entroido adornadas por caprichosas pinceladas de azucre glas.
Desde Pazo de Vilane lanzámoste un reto… Queres lucirte e facelas en casa? Pois segue lendo, porque te contamos os nosos secretiños.
4 consellos para que as túas orellas de entroido sexan as máis crujientes
-Se podes, emprega fariña de forza. Tamén a fariña galega é excelente para esta receita. -Trata de estirar a masa co rodete todo o que poidas, ata que te quede ben fina. Canto máis fina, máis crujiente será o resultado. -Retira as orellas de entroido a un papel absorbente para eliminar o exceso de graxa (ve cambiándoo a medida que se empape), e espera a que se arrefríen para espolvorealas con azucre glas. -O aceite debe ser de xirasol ou, se é de oliva, suave, para que prevaleza o sabor das orellas de entroido. Fríteas a lume forte, pero non moi forte, ou vanse queimar.Ingredientes
- ½ kg de fariña
- 100 gr. de azucre
- 2-3 ovos camperos
- 1 dl de leite
- A ralladura dun limón
- 50 gr de manteiga
- 1 cullerada (25-50 ml) de anís
- Canela en po
- Azucre ou azucre glas para espolvorear
- 10 gr de fermento
- Sal
- Aceite de xirasol ou de oliva suave
Elaboración
- Nun bol amasa a fariña cos tres ovos, a manteiga fundida, un pouco de canela en po, o anís, a ralladura de limón, o azucre e o leite.
- Traballa ben ata conseguir unha pasta homoxénea.
- Coloca a masa sobre unha superficie plana, enfariña por arriba e abaixo e curta en anacos.
- Esmágaos co rodete ata deixalos ben finos.
- Fríteos nunha tixola con abundante aceite de oliva a lume moi forte.
- Aparta a un prato con papel absorbente. Espolvorea con azucre.
