A tortilla de bacallau é un deses pratos inesquecibles cos que identificamos o Norte de España. Seguramente non haberá mesón, restaurante ou bar da Costa Cantábrica que non a contemple na súa carta, introducindo mil e unha variantes para deleite dos seus fregueses.
E é que xa sabes que a cociña nestas terras é un asunto “ moi serio” no que poñemos moito empeño e agarimo. Lonxe de ser unha obrigación, é unha devoción, e precisamente a tortilla de bacallau é un prato espectacular co que os cociñeiros de cada familia tentamos presumir sempre que podemos.
En Pazo de Vilane encántanos esta receita, porque a tortilla de bacallau sae zumarenta e rotunda, está repleta de vitaminas e minerais, e non ten practicamente graxas.
Ademáis, é un prato que te serve como comodín en calquera situación, por apurada que sexa. Por exemplo, podes servila quente como segundo prato nunha comida, ou ben facela previamente e gardala na neveira. Despois poderás servirte unha ración para a cea, cando te entre a preguiza e non che apeteza cociñar.
Tamén está espectacular fría, asi que non dubides en levala de excursión ou dentro dun “tupper” á oficina. E se te queres lucir diante dos amigos, proba a servila nun aperitivo- cun bo viño branco-cortada a modo de pinchos, sobre uns toros de pan de aldea tostado. ¡Non deixarán nin as faragullas¡
Variantes da tortilla de bacallau
Coñecemos moitas variantes e truquiños de cociñeiro para facer unha boa tortilla de bacallau. Ahí van algúns:- A tortilla de bacallau clásica leva cebola; esta verdura parécenos imprescindible pero ademáis nós engadímoslle case sempre pimentos de dous ou tres cores (verde, vermello , amarelo,…) e incluso perexil. Se che apetece, proba algunha vez con cabaciña ou incluso con pataca.
- Aínda que o bacallau é o pescado principal desta receita, podes combinalo con merluza ou con gambas picadiñas, salteados nunha tixola, cun allo. Toda unha delicia.
- En Pazo de Vilane, unha vez cocido o bacallau, adoitamos pasalo pola tixola, cun pouco de aceite de oliva, ata darlle unha textura parecida ao bacallau ao pil-pil. Tárdanse uns minutos máis...Pero a tortilla queda deliciosa. Tamén te quedará riquísima.
- Na nosa receita propoñémoste unha tortilla de bacallau con cebola caramelizada pero podes facela con cebola e ceboliñas tenras pochadas.
- Se che gusta a tortilla zumarenta e un pouco desfeita , engade un ovo máis aos ingredientes. ¡Verás qué diferencia¡.
Ingredientes
- 4-5 ovos camperos de Pazo de Vilane
- 1 chorriño de aceite de oliva
- 3 talladas de bacallau desalado ou bacallau fresco
- 3 cebolas
- 1 pimento verde
- 1 pimento vermello
- 2 dentes de allo picados
- Perexil
- Azúcre moreno
- 1 chorriño de brandy
- Sal
Elaboración
- Nunha pota grande pon a pochar a lume medio-lento, sen presas, as 3 cebolas cortadas á xuliana cun pelín de sal.
- Nunha pota pon a ferver auga. Cando alcance a ebulición engade os toros de bacallau coa pel hacia arriba e déixaas apenas 1 ou 2 minutos.
- Sácaas e ponas a escorrer, para que eliminen toda a auga. Deixa que se arrefríen.
- Mentres, move a cebola e cando esté tenra e transparente, engade dúas culleradas de azucre moreno e un chorriño xeneroso de brandy. Sobe un pouco o lume ata que se evapore o alcol e logo volve a baixalo. Deixa cociñar outros 3-4 minutos a lume lento.
- Aparta a cebola caramelizada e reserva o aceite.
- Aproveita esa mesma pota e cun chorriño de aceite de oliva quente, engade os dous pimentos cortadas á xuliana moi fina. Se che gusta a textura crocante, dalle apenas unhas voltas, en caso contrario, deixa que se fagan uns minutos máis a lume medio.
- Mentres, esfarela o bacallau.
- Saca os pimentos do lume e aproveita ese aceite restante para saltear as faragullas do bacallau cuns dentes de allo picados. Retira o pescado do lume, escurrindo do aceite.
- Mestura nun bol a cebola caramelizada, os pimentos pochados, o bacallau, os ovos camperos e un ramallete de perexil fresco, moi picadiño. Remove ben para homoxeneizar todos os ingredientes.
- Calla a tortilla según o teu gusto, máis ou menos feita. ¡Listo¡.
