Poucas receitas hai máis sinxelas de elaborar pero máis ricas que a pescada rebozada ou merluza-pescada á romana. E aínda que moitos a tachan de demasiado simple ou “ moi vista” no Pazo medimos o valor dun bo prato polo delicioso que está cando está ben feito , non pola súa apariencia ou porque estea máis ou menos de moda.
Porque, temos que recoñecer, non é sinxelo dar ese punto lixeiramente dorado e tostadiño que debe ter a auténtica pescada rebozada. Nin sequera en moitos restaurantes conségueno. ¿A tí tamén che pasa?
Pois segue lendo, que che contamos todas as claves para que che quede cun sabor espectacular, e nin queimada nin crúa por dentro. Spoiler: un bo baño nos nosos ovos camperos ten gran parte “da culpa”.
Os trucos de Pazo de Vilane para conseguir unha pescada rebozada zumarenta
- Os ingredientes deben ser de primeira calidade. Ese é o principal segredo do prato. Elixe a mellor pescada que poidas, preferiblemente fresca, non conxelada, e pide ao pescadeiro que a prepare en lomos limpos. O corte do pescado fai moito (aínda que non o pareza).
- Usa uns ovos camperos, ben frescos e deixa que o pescado se empape neles uns cantos minutos, para que absorba sabores e aromas.
- Para esta receita preferimos o aceite de xirasol, que aguanta ben as altas temperaturas da fritura e ten un sabor neutro.
- Un truquiño ben sinxelo e que debería ser universalmente coñecido (pero non é así): para que a pescada rebozada te salga rica, primeiro debes enfariñala e logo bañala en ovo ( e non ó revés).
- Sacude o exceso de fariña dos lombos ou o rebozado non che quedará tan fino como buscamos.
- Mentres esteas fritindo, usa a tapadeira. Ensuciarás menos e conseguirás que os lombos se fagan ben por dentro.
- Acompaña a pescada rebozada cunha boa maionesa caseira (aquí tes a nosa receita, tal e como a facemos no Pazo) feita con ovos camperos e un chorriño de limón. Xusto ao servila rela un pouco de cortiza de limón. Non imaxinas que sabor lle da.
Ingredientes
- 4 lombos de merluza-pescada (mellor, fresca)
- Fariña de trigo
- 2 ovos camperos Pazo de Vilane
- Sal
- 3-4 dentes de allo
- Aceite de xirasol
Elaboración
- Prepara los lombos. Escórreos e sécaos ben con papel absorbente, colócaos nunha bandexa, e sálaos polas dúas caras. Se o pescadeiro deixounos coa pel, é o momento de retirala cun coitelo ben afiado. É mellor sacalos unha media hora antes da neveira para que non estean moi fríos.
- Baruta a fariña e pona nun prato ou fonte amplia, para poder traballar ben.
- Vai pasando as talladas pola fariña e sacode o exceso.
- A continuación, bate os ovos nun prato fondo e deixa que a pescada se empape por ámbolos lados durante uns minutos.
- Quenta abundante aceite nunha tixola fonda, a lume medio. O aceite debe estar quente. Engade os dentes de allo.
- Vai fritindo os lombos de merluza un a un, desta maneira controlarás mellor a temperatura do aceite que debe ser constante.
- Déixaos que escorran o aceite sobre un papel absorbente. Cando estean todos, tápaos un par de minutos cun prato.
