Proteínas do ovo: todo o que debes saber

Huevos camperos de Pazo de Vilane, ricos en proteínas

As proteínas do ovo son unha das calidades máis destacadas deste delicioso alimento. Sempre se dixo que o ovo é un dos alimentos máis completos que existe no mundo pola súa gran achega tanto de micronutrientes como de macronutrientes. Pero, esta afirmación é real? Hoxe ímosche descubrir todo o que debes saber sobre a súa composición.

Fálase das proteínas do ovo ao mesmo tempo que se destaca tamén que conta con gran cantidade de nutrientes. Segundo datos do Instituto de Estudos do Ovo, recoméndase consumir entre dous e tres racións de alimentos proteicos cada día polo que se poden consumir con tranquilidade tres ou catro racións de ovos por semana, alternándoo con carnes e peixes.

A proteína de referencia

A xema é a parte que máis nutrientes e menos proteínas do ovo contén mentres que a clara é a que achega máis. Combinadas forman un alimento saudable e que se recomenda consumir en todo tipo de dietas. Se tomamos como referencia un ovo de tamaño mediano, é dicir, de categoría M con entre 53 e 63 gramos de peso, para un adulto recomendaríase tomar 2 ovos a diario. Isto achegaría uns 6, 4 gramos de proteínas por ovo.

Considérase ao ovo como proteína de referencia, xa que achega todos os  aminoácidos esenciais co seu consumo. A calidade vén determinada nos alimentos polo valor biolóxico, que é o índice da utilización das proteínas adquiridas polo organismo. Como curiosidade, as proteínas que contén a xema de ovo son aproveitadas sempre polo noso corpo sexa cal for a forma na que se consuma. En cambio, as proteínas da clara só se dixiren por completo se se toman cociñadas; en caso de consumilas crúas, máis nada que o fan en parte.

Vitais para o organismo

A clara de ovo ten como compoñente principal a auga, que é máis do 80% do seu contido, e as proteínas. A albúmina é a máis destacada. Trátase dunha proteína, sintetizada polo fígado, que se atopa no plasma sanguíneo e é a máis numerosa no sangue. Na xema, un 50% é auga e a outra metade lípidos e proteínas. O noso organismo utilízaas, principalmente, para crear novas proteínas que son vitais para o corpo, como no caso das responsables de construír tecidos. 

Muller atleta no pazo de vilane
Os ovos do Pazo de Vilane, polo seu alto contido en proteínas, son un alimento insubstituíble para calquera atleta

Queda demostrado que a elevada cantidade de proteínas presentes no ovo fan que sexa impensable non incluílos na dieta diaria. Desde os máis pequenos da casa ata os máis maiores gozan dos seus beneficios. Ás mulleres embarazadas tamén se lles recomenda tomalos xa que axudan no crecemento do feto e, despois, no desenvolvemento do bebé a través da lactación. Tamén é moi apreciado polos deportistas posto que a proteína do ovo axuda a rexenerar músculo e tamén a gañar corpo. Polo mesmo motivo, nas persoas de idade avanzada axuda a frear a perda de masa muscular e a incrementar a densidade ósea.

Unha infinidade de beneficios que achegan as proteínas do ovo. Ademais é fonte de vitaminas e un alimento saciante que conta con numerosas propiedades. Incorpora os ovos campeiros de Pazo de Vilane provenientes de galiñas criadas en liberdade á túa dieta diaria e poderás gozar de todos os beneficios nutritivos que achegan para ti e para a túa familia.