Descobre tódalas propiedades dos arandos

As propiedades dos arandos son a clave para que a denominen superfroita. Os froitos vermellos son uns alimentos que destacan polos seus beneficios para a saúde grazas ao seu nivel nutricional. As moras, as framboesas ou as grosellas son parte da nosa alimentación durante as estacións de primavera e verán pero son os arandos os que se están coroando como novo descubrimento. Denomínanse como “a superfroita do século  XXI” e gañou unha reputación que nos promete beneficios para corpo e mente. Concretamente, reforzan o sistema  inmunitario e protexen a saúde do corazón, o sistema dixestivo e o cerebro.

Esta froita de cor azul escura e sabor doce cun punto acedo é protagonista de moitos paseos estivais polas montañas galegas. Pódese introducir na nosa dieta de formas fresca, conxelada, enlatada ou como extracto. Sós ou en macedonias, en iogures ou confeituras e marmeladas, mesmo como acompañante en pratos principais como as carnes. Sen dúbida, a súa preparación e acompañamento non son un problema á hora para comer esta froita, pero, que beneficios nos proporciona? Hoxe en Pazo de Vilane, imos contarche todo sobre as propiedades do arando.

Propiedades e beneficios do arando

Trátase dunha froita cun alto contido en fibra, minerais, vitaminas e antioxidantes, especialmente nuns compostos chamados antocianinas que fan que os arandos sexan unha gran opción para protexer o noso corpo e mellorar a nosa saúde. O seu consumo diario pode aumentar a función cognitiva e diminuír os trastornos da memoria, mesmo da vellez. 

  • Rico en antioxidantes. É un alimento rico en antioxidante debido á acción combinada dos seus ácidos orgánicos e ás 15  antocianinas que lles confiren a súa peculiar cor, como a malvidina, a peonidina ou a cianidina. Tamén posúen  resveratrol, que se acha tamén nas uvas negras, e é coñecido polo seu efecto anticanceríxeno. 
  • Propiedades anti inflamatorias. Comer moitos arandos axuda a evitar os molestos gases. Tamén evita a inflamación do cerebro xa que os froitos vermellos son un tipo de froita cuxos compostos protexen ás células do cerebro dos radicais libres. Varios estudos suxiren que as bagas cambian a forma no que as neuronas do cerebro comunícanse, evitando a súa inflamación.
  • Vitamina C. Conteñen unha ampla diversidade de micronutrientes con niveis notables de minerais esenciais como o manganeso, a vitamina C e varias vitaminas do grupo B. 
  • Prevención de Alzheimer. O seu consumo habitual fai máis lento o declive cognitivo asociado ao Alzheimer e outras enfermidades dexenerativas. Os seus antioxidantes, concretamente a antocianina, poden proporcionar un beneficio real na mellora da memoria.
  • Frean as infeccións de ouriños. Axuda á prevención e tratamento de infeccións  urinarias. Por unha banda, grazas á súa abundancia de ácidos orgánicos aumenta a acidez dos ouriños e impide a proliferación de bacterias. Por outra, os flavonoides  desinflaman as paredes venosas e impiden que os microorganismos se adhiran e multipliquen.
  • Bos para o corazón. Comer arandos e seguir unha dieta saudable protexe de varios factores de risco de enfermidade cardiovascular e diabetes, como a acumulación de graxa abdominal e os niveis altos de colesterol e azucre en sangue. A súa propiedades foron estudada polo Departamento de Agricultura de Estados Unidos, chegando á conclusión de que un dos seus compoñentes, o pterostilbeno, é útil para a prevención de enfermidades cardíacas e a diabetes.

Marmelada artesanal de arandos de Pazo de Vilane

Os arandos adoitan tomarse de sobremesa, en zumes ou como acompañantes doutras comidas. Combinar os teus pratos con froita sempre dá bo resultado, non só no sabor senón tamén por poder aproveitar todos os nutrientes e propiedades que teñen. Outra forma de acompañar as túas comidas con froitas é a través de confeituras e marmeladas, que axudan a manter as propiedades da froita durante todo o ano grazas á súa conserva.
En Pazo de Vilane ofrecémosche unha forma de engadir os arandos á túa dieta habitual permitindo que aproveites todas as propiedades e beneficios. As nosas marmeladas de arandos están elaboradas de forma artesanal unicamente con arandos enteiros procedentes das leiras do pazo, colleitándoas no punto xusto de maduración que lle proporciona o sol, converténdoa na marmelada con maior porcentaxe de froita do mercado, un 75%. Cunha textura ideal para tomar con comidas, almorzos, sobremesas e petiscos. Consegue as túas nas nosas tendas e goza de todas as propiedades do arando con Pazo de Vilane.