Hamburguesa con ovo frito

Delicioso, sinxelo, barato e rápido. Un prato de boca ... literalmente

30 minutos 4 comensales

Deliciosa, fácil, económica e rápida. Esta hamburguesa con ovo frito ten todas as papeletas posibles para converterse nun prato completo co que todos os membros da familia- grandes e pequenos-acaban chupándose os dedos.

Ademáis, cada un pode adaptala ao seu gusto: con ou sen mostaza, con tomate kétchup ou sen él, com máis ou menos verduras…

Agora ben, o que nunca pode faltar nesta hamburguesa é un bo ovo campero frito, coa súa xema fundinte, alaranxada e apetitosa , coroando o prato.

Deixa ao carón os bos modais na mesa…¡E dálle unha boa dentada¡

Tips para triunfar coa túa hamburguesa con ovo frito
  • Elixe o mellor ovo campero posible. Moi fresco e de galiñas alimentadas cos mellores cereais e pastos frescos todo o ano (como as de Pazo de Vilane).
  • Frite o ovo con AOVE a moi alta temperatura, durante 30 segundos aproximadamente, e non o movas nin lle botes aceite por riba. A puntilla sairache perfecta.
  • Antes de facer a carne, déixaa temperar fóra da neveira unhas 3 ou 4 horas.
  • ¿Gústache a carne pouco feita? Faina a boa temperatura, cun pelín de aceite e márcaa por ámbolos lados. Se a prefires bastante feita, procede igual, pero a continuación reduce a lume medio e tápaa, para que se cociñe por dentro.
  • A ceboliña debe ser moi fresca. Córtaa o máis fina que poidas, case transparente, cun coitelo afilado, ou mellor cunha mandolina.

Ingredientes

  • 400 gr. de tenreira picada
  • 4 pans multicereais naturais
  • 4 culleradas de mostaza de Dijon ou en gran.
  • 5 ovos camperos Pazo de Vilane
  • 1 chorriño de aceite de oliva
  • 1 chorriño de aceite de xirasol
  • 1 dente de allo
  • O zume de ½ limón
  • 1 puñadiño de rúcula, canónigos, brotes tenros
  • 1 tomate de tamaño grande
  • 1 ceboliña
  • 4 lonchas de pepinillo agridulce
  • 4 lonchas de xamón ou de bacon/touciño
  • Sal

Elaboración

  1. Forma as hamburguesas coa carne de tenreira picada e un chisco de sal (ou pide ao carniceiro que chas prepare).
  2. Fainas nunha tixola con lume máis ou menos forte (segundo o teu gusto). Reserva tapadas.
  3. Mentres se fan, corta en toros o tomate e moi finamente a ceboliña. Retira a un prato xunto cos brotes (rúcula, canónigos…).
  4. Marca os liscos de touciño ou xamón. Aparta.
  5. A continuación, a lume lento, tosta nesa mesma tixola os pans, para que recollan todos os xugos.
  6. Monta a maionesa (sen mover o brazo da batedora) cun ovo campero, un chisco de sal, o zume de medio limón, a metade dun dente de allo picado moi fino e un fío de aceite de xirasol.
  7. Por último, a lume máis forte, con abundante aceite de oliva ben quente, frite os ovos un a un.
  8. Monta cada hamburguesa : unta o interior dos pans coa mostaza e a maionesa picante. Sobre o pan de base, coloca un puñado de brotes, daquela a carne, o lisco de touciño ou xamón, o tomate, o pepinillo e por último o ovo frito.
Subscríbete ao noso boletín
Mantente informado de todo o que acontece no Pazo de Vilane e goza das nosas actividades, sorteos, premios...
Información básica 1ª CAPA sobre Protección de Datos: Responsable: Pazo de Vilane | Finalidade: Contestar ás solicitudes de información do interesado, establecemento ou mantemento de Relacións Comerciais e posiblemente para o envío de publicidade. | Lexitimación: Consentimento do interesado e interese lexítimo no desenvolvemento da relación comercial | Destinatarios: Non se cede a información | Dereitos: Acceso, rectificación, supresión, limitación, oposición e portabilidade | Información adicional: Política de privacidade