fbpx

Pazo de Vilane vaise de festival

A pasada fin de semana celebrouse o Festival Ribeira Sacra e os ovos de Pazo de Vilane estiveron presentes na que xa é unha das citas máis importantes do calendario festivo galego.

O Festival Ribeira Sacra volveu un ano máis a encher de vida a Galicia interior. E este ano Pazo de Vilane estivo presente neste importante evento que mestura música, gastronomía e patrimonio. Os ovos campeiros de Pazo de Vilane foron actores principais nesta terceira edición do Festival Ribeira Sacra, dous proxectos sustentables que apostan polo coidado do medio ambiente, fomentar a gastronomía de calidade e a cultura na contorna rural.

A adega Regina Viarum serviu de escenario ao acto principal da xornada do venres na que Pazo de Vilane estivo presente a través dun showcooking no que o ovo campeiro foi o protagonista. O encargado da elaboración desta tapa, en total consonancia co concepto gastronómico de calidade, sustentabilidade e local, foi Carlos J. González. Trátase do xefe de cociña e responsable de Merenzao Restaurante –  Vinoteca, situada en Doade, en plena Ribeira Sacra, e que este ano foi nomeado ao prestixioso galardón Premio Cociñeiro 2019 que outorga o Fórum Gastronómico A Coruña.

O cociñeiro e o seu equipo foron os encargados de elaborar as máis de 900 tapas que se ofreceron gratuitamente nas adegas Regina  Viarum o venres 19 de xullo. A tapa consistía nunha base de champiñón Portobello sobre a que se colocaba unha crema realizada coa xema de ovo campeiro pasteurizada, proceso que permite manter o especial sabor do ovo Pazo de Vilane á vez que se garante a súa conservación. 

Remataba a presentación cunha escuma desde sifón da clara de ovo aderezada cun toque de trufa negra. O obxectivo desta deliciosa e vistosa tapa era presentar en esencia o ovo intensificando as súas propiedades e sabor. Esta actividade incluíase dentro da parte gastronómica do festival que, xunto co viño, a música e o patrimonio da Ribeira Sacra, son os puntos fundamentais que moven este evento.

O sol foi outro dos asistentes que non se quixo perder o evento. A xente chegaba entusiasmada á adega, un escenario de ilusión cunhas vistas únicas, e recibía encantada a invitación para degustar a tapa gratuíta dos ovos campeiros. Ademais, foron obsequiados con bolsas de tea de Pazo de Vilane para tódolos asistentes, unha forma de dar máis presenza á nosa marca. Tras o momento gastronómico púidose gozar dun directo espectacular á beira dos viñedos. O “autor que canta” Enric Montefusco interpretou os seus mellores temas nun potente directo que conseguiu enganchar aos asistentes.

Tras o concerto, os fogos artificiais puxeron o toque de luz a unha noite que seguiu coa música dun dj para os asistentes máis animados. Un Festival Ribeira Sacra que soubo dinamizar a zona e no que Pazo de Vilane quixo colaborar dentro das sinerxias que unen a ambas as marcas como dinamizadoras do interior.

< Volver

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies