Clara do ovo: todo o que necesitas saber

A clara do ovo é unha das dúas partes pola que está formado este alimento. Todos sabemos distinguir a clara e a xema nun ovo, verdade? A parte central é a coñecida como xema e o seu ton amarelo é proporcionado polos carotenoides, uns pigmentos naturais. É unha importante fonte de minerais e de vitaminas na alimentación do ser humano. Entre eles destacan o calcio, o ferro, o  potasio e vitaminas como a D, B ou B12. 

As galiñas que coidamos en Pazo de Vilane e que pastorean en liberdade con herba fresca todo o ano grazas ao clima de Galicia incorporan máis carotenos á xema do ovo grazas precisamente ao pastoreo e a que o seu sistema metabólico os asimila máis eficazmente. 

Hoxe imos centrarnos na clara do ovo, que está constituída principalmente por auga (entre un 88 e un 90%). Hai que ter en conta que o peso medio da clara dun ovo de tamaño mediano vai de 30 a 35 gramos e que a súa textura é moi  viscosa ao natural ademais de ser transparente en cru.

Propiedades da clara de ovo

Para empezar a falar das propiedades da clara do ovo debes saber que non ten nin colesterol nin graxa. Pódese dicir que é unha bomba de proteínas. É por isto polo que se recomenda tomalas no almorzo para darnos enerxía ou tamén despois dos fortes adestramentos para recuperarse. A proteína é absorbida con facilidade axudando a que sexa máis rápida a recuperación muscular.

Tamén é moi alto o contido en vitaminas e de minerais da clara. A vitamina B está presente en importantes cantidades así como a E. Ademais contén riboflavina, calcio,  selenio, cobre, ferro, potasio e acedo fólico. Por tanto, é especialmente bo para as mulleres embarazadas que necesitan grandes achegas desta última vitamina. Tamén é moi importante que os nenos tomen clara, ou ovo no seu conxunto, desde idades temperáns para axudar no crecemento dos seus músculos e ósos. 

Como indican desde o Instituto de Estudios del Huevo, as proteínas que contén a clara dixírense de forma parcial cando as tomamos en cru. En cambio, se a inxerimos cando a clara está cociñada prodúcese unha dixestión total e todos os compoñentes da clara son absorbidos polo noso organismo. Isto débese a que na clara crúa non se pode aproveitar a  biotina e, en cambio, ao ser cociñada xa pode ser metabolizada. Unha curiosidade, a clara se coagula e tórnase branca cando alcanza os 65º C.

Beneficios de consumir clara de ovo

Como vimos, son numerosas as propiedades que nos achega introducir as claras de ovo na nosa dieta diaria. Entre outros, os beneficios que nos achega co seu consumo son:

• Saciedade. Ao tratarse dun alimento baixo en calorías e alto en proteínas axuda a que nos sintamos saciados con menos cantidade que con outros alimentos.

• Corazón. A clara non achega colesterol e prevén doutras doenzas como pode ser a diabetes.

• Enerxía. Cando comemos clara de ovo estamos a dar un xute de enerxía ao noso corpo sen ter que usar graxas ou azucre que son máis prexudiciais para nós.

• Memoria e visión. Un estudo da prestixiosa Universidade de  Harvard sobre o consumo de ovo desvelou que a colina axuda a conservar ambas e, aínda que está máis presente na xema, a cantidade de colina na clara tamén é elevada.
• Envellecemento. Na clara do ovo atópase o  aminoácido prolina que favorece a creación de coláxeno, atrasando a aparición de engurras.

Parece quedar clara que non hai escusa para non introducir as claras de ovo na nosa alimentación. Compra os ovos campeiros de Pazo de Vilane e estarás a adquirir un produto esencial na dieta de maiores e pequenos. Porque o ovo é un dos alimentos máis completos que existen e se proveñen de galiñas que foron criadas en liberdade como as nosas, máis que mellor. Entra na nosa web para descubrir algunhas receitas con clara de ovo.