Sinxela, rápida e digna dun chef. Nesta receta a untuosidade dos ovos á cocotte casa á perfección co aroma “a campo” dos cogumelos silvestres. Por si fora pouco, a mestura de queixos e o toque fresco do romeu marcan a diferenza. ¿poderás resistirte?
Proba esta receita de ovos cocotte e cogumelos silvestres que farás nun momento , en apenas 15 minutos de cociñado, o resto é tempo de forno. Sírvete un vaso de viño branco mentres tanto e reláxate porque ¡xa tes lista a cea¡.
Tres trucos básicos para enfornar ovos cocotte
- Faite cuns bos cuncos aptos para o forno. Elíxeos do tamaño ideal para unha ración individual. Non son caros e a inversión merecerá a pena.
- Pódense cociñar ovos cocotte con deceas de ingredientes. Se non tés algún dos que che propomos , mira na neveira, ou no armario das conservas, e bótalle imaxinación.
- Os ovos cocotte permítenche presentacións de luxo a un precio sensacional. Por iso, son perfectos para ceas con invitados, como entrante lixeiro ou como segundo (só depende de qué ingredientes empregues).
- No caso desta receita, se non atopas cogumelos silvestres podes usar de viveiro, ou incluso unha conserva.
Ingredientes
- 8 ovos camperos Pazo de Vilane
- Romeu fresco
- 150 g de queixo de vaca tenro
- 200 g de cogumelos silvestres
- 1 vasiño de Xerez
- 3 dentes de allo
- 1 cebola
- Queixo parmesano relado
- Pimenta negra
- Sal
- 50 g de manteiga
- Un chorriño de aceite de oliva
Elaboración
- Lava e corta os cogumelos en trociños pequenos e reserva.
- Lava o romeu e pela a cebola e os dentes de allo. Corta todo en brunoise ou dados pequenos.
- Nunha tixola, pocha cun chorriño de aceite de oliva ou manteiga todo o anterior.
- Prequenta o forno a 160º C.
- Engade os cogumelos á tixola e deixa que se fagan durante 3 minutos. Despois, salpimenta e sobe o lume.
- Engade o xerez, a lume forte, deixa que se evapore o alcol . Retira do lume.
- Vai colocando unha base de cogumelos e resto das verduras en cada cunco.
- Engade outra capa do queixo de vaca troceado cun pouco de parmesano relado e pimenta.
- Finalmente, casca dous ovos camperos Pazo de Vilane en cada cunco e volve a botar parmesano por riba.
- Enforna todos os cuncos na bandexa do forno durante 6 minutos.
- Serve quente.
