¿Gústache o coco? Entonces tes que probar este riquísimo biscoito de coco relado. ¡O seu sabor transportarate aos románticos tempos coloniais¡
Queda doce, pero nada empalagoso, con ese increible resaibo que lle da a exótica combinación do coco e o limón. Este biscoito, ademáis, é perfecto para o almorzo de nenos inapetentes, porque lles ofrece un sinfín de propiedades nutritivas.
Nin che contamos cómo quedarás cando sirvas con convidados o café ou o té con este biscoito de coco. Non tes máis que cortalo en chouchas e formar unha torre de pequenos cadrados regulares (do tamaño dun bocado) sobre unha bonita fonte. Espolvorea a cima con coco relado e canela… E prepárate para a choiva de afagos.
Biscoito de coco… Un doce cheo de propiedades nutritivas
- ¿Sabías que o coco é unha pranta moi nutritiva? Aínda que non debe consumirse en grandes cantidades (xa que está considerada a froita máis calórica) sí debemos ter en conta que é riquísima en algúns minerais e vitaminas non moi comúns en outros alimentos, como o ácido fólico, por exemplo, elemento fundamental no desenrolo do embarazo.
- Tamén aporta magnesio (un elemento imprescindible para unhas 300 reaccións bioquímicas do organismo) e moita fibra, polo que axuda a regular o tránsito intestinal. Asimesmo , aporta fósforo (regulador do bo funcionamento do cerebro) e potasio, o que é perfecto para deportistas e para estudiantes ou traballadores que deben ter un alto rendimento cerebral.
- Por si isto fora pouco, é rico en vitaminas C e E, o que potenciará o teu sistema inmunitario e te axudará a ter unha pel estupenda.
Ingredientes
- 250 g de azúcre
- 100 g de coco relado
- 3 ovos camperos Pazo de Vilane
- 100 g de manteiga
- 50 g de aceite de xirasol
- 1 iogur de coco
- 250 g de fariña
- 150 g de leite
- 1 sobre de fermento
- 1 belisco de sal
- 1 limón (a cortiza)
Elaboración
- Prequece o forno a 180º
- Forra un molde con papel de forno e engrásao lixeiramente con manteiga e espolvorea con fariña.
- Nun cunco, casca os 3 ovos camperos e verte os 100 g de coco relado e o azucre. Cun robot de cociña, ou cun batedor, mestura ben durante uns 3 minutos.
- Engade a manteitga derretida o aceite de xirasol e o iogur de coco e a leite. Segue mesturando.
- Engade a fariña pouco a pouco, o fermento e o sal
- Rela a casca dun limón (sen a parte branca)
- Verte a mestura nun molde. Fornea a 180º , calor abaixo, durante 35-40 minutos aproximadamente (depende do teu forno).
- Comproba que o biscoito de coco está feito cun escarvadentes ou coa punta do coitelo.
- Se ves que a superficie se tosta demasiado, pon sobre o molde un papel de aluminio ata que remate de facerse.
