21 Setembro 2016
No primeiro día do outono, os tonos ocres que podemos atopar na contorna de Pazo de Vilane son máis a consecuencia do duro verán que deixamos atrás, que as primeiras mostras da estación que estamos a inaugurar. Respetuosos co calendario, achegámonos a comprobar en que estado se atopan carballos e castiñeiros. Como vedes, teremos que agardar ao mes de novembro para recoller os primeiros froitos.
Xa vos contamos que durante todo o mes de setembro estamos a recoller framboesas. Xa temos toda a colleita de froitas vermellas, arandos e framboesas, listas para transformarse na marmelada artesanal que podedes atopar en moitos supermercados e tendas.
No mes de outubro, as galiñas deixarán o Monte do río Estanco por obras; toca revisar as estruturas das naves e impermeabilizalas fronte as choivas. Se esa mesma choiva nos deixa, en novembro deberiamos estar plantando máis arandeiras.
No noso calendario, o outono rematará en decembro plantando novas nogueiras e castiñeiros no Monte do Estanco. Atentos ao noso blog, como o ano pasado, deixaremos por aquí as noces e as castañas do outono, para que poidades coller algunhas.