As redes sociais seguíronnos dando momentazos durante os últimos meses, como xa che comentamos o mes pasado as publicacións seguen a lume de biqueira. Grazas a elas puidemos desconectar un tempo dos problemas do mundo real e distraernos para soltar unhas gargalladas en familia ou atopar receitas deliciosas para demostrar a nosa habilidade na cociña.
En Pazo de Vilane gústanos publicar cousas todos os días para manter o contacto convosco e, de paso, darvos a coñecer moitas curiosidades e información tanto sobre os ovos campeiros como sobre as galiñas que coidamos con tanto esmero. Seleccionamos algúns dos posts que máis nos gustaron para compartir con todos vós e que pasedes un bo intre. Listos?
Á cociña con Pazo
Non é por presumir. Ou si, porque os nosos deliciosos e nutritivos ovos camperos ben o merecen. Durante estas últimas semanas sorprendéstesnos usándoos para todo tipo de pratos e receitas. Desde as máis tradicionais ás máis sofisticadas, hai para todos os gustos!
Hai almorzos e almorzos pero este conquistounos completamente. Todo o que leva esta torrada con aguacate, ovo de Pazo, tomate cherry e aceite fai que se mesturen os sabores naturais no seu punto xusto para que nos saiba a gloria.
Un dos praceres da vida é a tortilla de pataca. Xa se poden poñer diante mariscos ou chuletones, que o que gusta unha tortilla impoñerase por encima deles. Para aqueles a os que lle gusta pouco feita, esta foto subiraos ao ceo.
Desde a cidade de Vigo chéganos unha receita explicada paso a paso e con todos os ingredientes: quiche lixeira. Tan só tes que facerte con eles e poñer o mandil para preparar esta delicia que gusta a todos e é perfecta para que os peques coman verdura.
Viaxamos agora a outro recuncho da nosa querida Galicia para coñecer un almorzo menos común. De feito, descríbeno como unha receita de cinema que enlazan con “Kramer contra Kramer”. Todo listo para preparar french toasts ou torradas francesas con The Green Adventure.
E rematamos o periplo polos vosos pratos e receitas cun vídeo sobre como preparar biscoito caseiro con, como non, os ovos campeiros de Pazo de Vilane.
Para soltar unha gargallada
Como di o refrán “Quen de todo ri, ese é o que ben vive.” Nós somos expertos en sorrir porque a vida dános moitos motivos e tamén queremos compartir unha gargallada convosco así que seguide lendo que algunha se vos escapará con estas publicacións graciosas de ovos e galiñas.
Xa vos falamos varias veces de que as galiñas son animais moi intelixentes. Tanto, que ata sospeitan cando as cousas se poñen un pouco raras. Ese veciño non se vai a saír coa súa!
Aquí podemos ver un galiñeiro en plena acción. Estas galiñas estano pasando mellor que moita xente, con música e atraccións e ata que o corpo aguante.
Xa que na corentena tivemos moito tempo libre, parece ser que hai algunhas persoas que ata lle ensinaron aos seus animais como xogar ao fútbol. Gustaralles este deporte ás pitas de Pazo de Vilane?
E acabamos cunha curiosidade que tamén nos deixou a época de peche. Viaxamos ata Nova Zelandia porque nun barrio de Auckland víronse invadidos por galos e galiñas que aproveitaron a ausencia de humanos para facerse coas rúas.
De todo un pouco
Durante este último mes tamén vimos como algúns dos gañadores do noso concurso de reutilización das caixas de ovos de Pazo de Vilane 1 idea, 1 árbore recibían os seus agasallos. É o caso de “La Hormiga Tenaz” e a súa maleta viaxeira que aproveitaron para ensinarnos a súa proposta e tamén o completo lote dos nosos produtos que recibiron na súa casa.
Tamén colaboramos cunha publicación do xornal ABC sobre as verdades e mentiras do ovo e a cantidade recomendada de consumo. Grazas ás palabras de Piedade Varela-Portas, a nosa Directora de Comunicación e Marketing, puidemos deixar claro que se poden consumir ata sete ovos por semana sen que teña repercusións na nosa saúde.
Cal é a vosa favorita? Nós non podemos escoller porque nos gustan todas. Como tamén nos gusta coidar das nosas galiñas criadas en liberdade. Grazas a elas podemos ofrecervos un ovo campeiro de alta calidade que lembra ao sabor de sempre, ao ovo da casa. Lembra que podes atopar os nosos produtos nas principais cadeas de distribución e no teu comercio de proximidade.