fbpx

Coñece A Ulloa: Torrentes de Mácara

Seguimos coñecendo máis recunchos e natureza que podemos atopar pola Ulloa. Hoxe aterramos en plena natureza, nos fermosos Torrentes de Mácara.

Hoxe imos dar unha volta pola natureza e contarche todo sobre os Torrentes de Mácara situados no municipio de Palas de Rei que, xunto con Monterroso e Antas de Ulla, forman a comarca galega da Ulloa. Pertence á provincia de Lugo e é o sitio dende o que saen ao resto de España os ovos campeiros de Pazo de Vilane. Adéntrate a coñecer todo sobre este emblemático paraíso: os Torrentes de Mácara.

O municipio de Palas de Rei conserva numerosos restos arqueolóxicos, destacando a igrexa de Vilar de Doas, un dos referentes principais do románico galego. Un amplo patrimonio con restos de fortaleza, torres, castelos e tamén de natureza digna de coñecer. Os Torrentes de Mácara son un conxunto de rápidos situados no río Ulla, con pequenas fervenzas e pozas creando unha contorna espectacular e única. Ten un carreiro que segue o bordo do río e que permite gozar desta paisaxe. 


Fotografía de José Antonio Gil Martínez

Como chegar 

No concello de Antas de Ulla están os montes de Olveda, onde nace o río Ulla e segue o seu camiño por Monterroso e Palas de Rei. Aquí está a aldea de Ramil, onde se pode admirar as fervenzas coñecidas como Torrentes de Mácara, con ata 3 e 4 metros de altura na caída da auga, unha paisaxe digna de ver.  

Hai varias formas de chegar. Podes ir pola N-547 dirección Palas de Rei, onde hai sinalizacións que levan ata os torrentes. Ou podes ir ata o Castelo de Pambre, construído no século XIV por Gonzalo Ozores de Ulloa, membro da familia feudal que dominaba a comarca. Sitúase pola estrada LU-4008 en dirección Ramil e Melide, a menos de dous quilómetros do castelo. Antes de cruzar unha ponte, á esquerda hai un cartel que indica onde están os torrentes, podes acceder con coche e deixalo nunha pista. Se vas dende  Liboreiro hai que tomar o cruzamento á dereita dirección Monterroso; a 200 metros hai un cruzamento á dereita dirección Pambre e Mácara. 

Natureza e sendeirismo

No medio da natureza, antes de chegar ao teu destino xa podes escoitar a sonora auga do río Ulla, dividindo os concellos de Palas de Rei, Antas de Ulla e Agolada, formando os  Torrentes de Mácara en pleno de corazón da Ulloa, unha paraxe con pequenas fervenzas, ideal para facer deportes como o kaiak. É máis, aquí celebráronse varias edicións da Copa Galega de Kaiak Extremo. Tamén para facer roteiros de sendeirismo e actividades acuáticas en tempadas de bo tempo como rafting ou pesca, unha práctica usual nesta zona.

O carreiro que segue o bordo do río está perfectamente adaptado para percorrelo sen perigo, con chanzos de madeira e sinalizacións en árbores e pedras. Comeza o camiño atravesando un bosque de castiñeiros e despois de 10 minutos de roteiro, o río Ulla divísase entre as árbores. Ao pouco chegas a unha preciosa zona con fervenzas e pozas ideais para practicar deportes, destacando a beleza dos seus rápidos. Ademais no verán convértese no lugar ideal para refuxiarse das altas temperaturas. 

Rodeada de fauna e natureza; carballos,castiñeiros, freixos e avellanos que na época de outono asolaga de cor o paseo. O roteiro pode alongarse máis pero o camiño comeza a complicarse xa que se enche de impedimentos, pero aínda así, pódese realizar. É recomendable non ir con bicicletas ou carriños. Un roteiro que hai que probar e ver cos teus propios ollos cunha dificultade media-alta, con obstáculos como pedras ou árbores caídos.
Este conxunto paisaxístico recibe numerosas visitas, sobre todo en época estival. O roteiro conta cuns 22 quilómetros de percorrido, perfectamente sinalizada e habilitada para gozar con final nos  Torrentes. Non te quedes coas ganas de coñecelo e feixe un plan diferente na comarca dá Ulloa, o lugar do que saen os ovos camperos de Pazo de Vilane. 

< Volver

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies