fbpx

Ao “fina do verán”, Samaín

Utilicedes Samaín ou Halloween, chega unha noite máxica a Galicia

A chegada do frío lémbranos que chega o Samaín; en gaélico: “final do verán”. Os antigos celtas celebraban a transición do verán ao inverno a noite do 31 de outubro. Dise que esa noite é máis fácil transitar entre o mundo dos vivios e o dos mortos. Sabedes por que é parte esencial da tradición galega?

O Samaín representaba o Ano Novo celta, o inicio de todo. Esa noite os druídas recollían bagas de visgo coas que preparaban pócimas e ungüentos. En Pazo de Vilane xa vos contamos no seu día que en Galicia, nas nosas aldeas e bosques, viven seres que fan que esta sexa unha terra máxica.

Outro elemento típico do Samaín son as fogueiras. O seu obxectivo: escorrentar aos malos espíritos e guiar aos defuntos no seu camiño.

Poida que non saibades que antes das cabazas, usábanse caveiras. Os celtas collían as caveiras dos seus inimigos mortos na batalla e iluminábanas para colocalas nos muros dos castros. Máis adiante, os irlandeses, por exemplo, baleiraban nabos e dentro colocaban carbón ardente.

A Santa Compaña, un dos mitos máis populares en Galicia, ten a súa orixe nesta noite. Un grupo de mortos, dirixidos por unha persoa viva, camiñan en silencio con longos cirios que iluminan os sitios polos que pasan. O condenado só se librará da maldición se pasa a testemuña a outra persoa.

Xa vos contamos que no século XVIII moitos irlandeses emigraron a Norteamérica levándose con eles esta tradición. O nome en inglés, Halloween, responde á tradución da véspera de Todos os Santos: All Hallow’s Eve.

Feira de Santos de Monterroso 2018

Moi preto de Vilane, en Monterroso, celebran a súa tradicional Feira de Santos. Os días 31 de outubro e 1 de novembro celebran a Foliada de Santos (actuacións musicais, magosto, etc.) e a Feira de Santos, unha das celebracións con máis tradición en Galicia.

Fonte: La Voz de Galicia.

< Volver

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR