fbpx

A primavera en Pazo de Vilane

Brotan as flores e a calor suave acariña ás nosas galiñas en liberdade. Coñece todo o que trae a primavera a Pazo de Vilane

Despois de meses onde o frío e a choiva eran os protagonistas do noso día a día, chegou por fin a primavera e en Pazo de Vilane gozámola máis que nunca. As temperaturas soben, as árbores e as flores comezan a florecer, os paxaros asolagan os silencios cos seus cantos e ata algún gardou xa todos os seus abrigos. 

Comezamos a ver paisaxes preciosas que botabamos de menos. As abellas traballan sen descanso e as cores vivas volven ser os protagonistas das nosas leiras. Os xardíns énchense de flores e esa calor e bo tempo transfórmase en forza e vitalidade para seguir traballando. É posible que sexa das nosas estacións favoritas? A primavera en Pazo de  Vilane é digna de postal. 

Galiñas en liberdade

O sol da primavera ofrece luz e calor, a terra renace con forza preparada para as novas plantacións, como os arandos e as framboesas . As longas noites son substituídas por máis horas de luz e iso ás nosas galiñas en liberdade encántalles. Queren aproveitar cada hora de sol e as temperaturas suaves. 

As nosas tímidas galiñas pastan nos nosos prados todo o ano, pero a primavera é sen dúbida a estación que máis gozan. Nesta época do ano os pastos son máis tenros e frescos. A herba verde achega máis caroteno aos ovos. Sabedes que significa? Que algúns dos nosos ovos terán unhas cores máis intensas e morenas. Ademais, é a mellor época de posta, as galiñas son máis produtivas cando hai máis horas de luz e bo tempo. 

Os que coidamos galiñas sabemos da importancia que son estas horas de recreo, onde xogan, corren e descansan á sombra das nosas árbores. O sol, o aire e o marabilloso pasto verde favorecen a súa crianza. O resultado? Uns ovos campeiros de máxima calidade e aroma intenso…Fáisenos a boca auga. 

1 idea, 1 árbore

O inicio da primavera tamén significa que hai unha nova edición de 1 idea, 1 árbore, a sétima nin máis nin menos! Con esta iniciativa buscamos fomentar as 3  R: reducir, reutilizar e reciclar, ademais de axudar a coidar o noso planeta.

Se vos parece pouco, non só queremos fomentar a reciclaxe, con esta campaña comprometémonos a plantar unha árbore dunha especie autóctona por cada idea recibida, co obxectivo de reforestar a comarca da Ulloa. Os bosques autóctonos axudan a conservar a biodiversidade e tamén serven de sombra para as nosas galiñas que se acubillan e protéxense das aves rapaces que en ocasións axéxanas.


Cada ano confirmamos que a creatividade non ten límites. Por exemplo, algunhas das ideas que recibimos hai pouco foron sementeiros, moi acorde coa primavera. Encántanos ver que a nosa caixa de ovos campeiros tamén serve para crear vida como flores ou froitos. Con elas podes facer o teu propio horto urbano. Non fai falta ter un xardín ou leira para cultivar as túas propias plantas!

Na mesma liña coa primavera, chegounos outra fantástica idea: un mini invernadoiro no que as cascas de ovos se converten nos sementeiros. Non só serven para que xermine a nosa planta, senón que ademais podemos plantar o ovo directamente no noso xardín ou en macetas máis grandes cando a nosa planta haxa  germinado, xa que a casca de ovo é biodegradable. Para crear o teu propio sementeiro só tes que coller a parte máis ancha do ovo como base e un buraco pequeno para a drenaxe. Engades terra e sementes, e a cultivar! 

Pazo de Vilane florece

É unha época de luz, alegría, gratitude e coidado da terra, o noso fogar. Seguiremos traballando duro para seguir florecendo, non só na primavera. Gozando de cada paso e manténdonos fortes diante das adversidades. 


Cada comezo dunha estación é un momento de valoración, de comezos e melloras. Como a luz do Lorenzo mantémonos brillantes e esperamos que dalgunha forma podamos contaxiar ese optimismo. 

< Volver

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies